LUKA 22:36 - Mara Bible RV (BSI)

³⁶ Zisu ta ama hnohta, “Tahmâ la tâkâ byh a hneipa ta a phao sala, sahria a hneipa ta a phao mawh sy. Zaozi a hnei leipa ta a poh zuah sala, chalei mawh sy.

LUKA 22:36 ပူးပေါင်းရင်းမြစ်များ

MATHAI 10:10

nama khitlyna sahria tlyma, viahkao pasipa zo no tlyma, pheikyzy tlyma, chôchahrei tlyma a phao hra khah u. Raihriatuhpa cha a nie tlâh a châ.

LUKA 22:35

Zisu ta a pachupazy hnohta, “Tâkâ byh nata sahria nata pheiky leipa ta ei cha tua no ei kha, a phahlapa nama hnei rai ma?” tah ta. Âmo ta, “Hnei ma pi?” tah ei ta.

LUKA 22:37

Ei cha chho ei, ‘Ano cha moleipa hry liata rei pâpa a châ,’ tahpa ropa hawhna khata, ei chô liata a vaw tlô tlai awpa a châ. Ei thâtih ama ropa kha a tlô paki haw,” tah ta.

LUKA 22:38

Âmo ta, “Abeipa, moh tua, zaozi miano a y,” tah ei ta. Ano ta ama hnohta, “Â daih na,” tah ta.

ZAWHÂNA 15:20

‘Chakaotuhpa cha a zibeipa hlâta lai via vei,’ tahpa bie ei cha chhopa ei kha a thei thlâh ha teh u. Kei eina taola khiah ei ta cha, nâmo chhao ama cha taola aw. Ei bie ama zyh khiahta cha, nâmo bie chhao ama zyh aw.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

1 THYSALAWNIKA 3:4

Nama hnohta eima y nona kha, pasa a tao awpa eima châzie cha chho tyh pi ta, nama pahnopa hawhta, cha hawhna tlai chata a vaw tlôpa a châ.

1 PITY 4:1

Krista cha sapa ta pasa a taopa a châpa vâta, nâmo chhao, cha hawhpa pachâna chata a tobi hra teh u. Sapa ta pasa a tao hapa cha moleina a bâhsaipa a châ.