LUKA 22:31 - Mara Bible RV (BSI)

³¹ “Saimaw, Saimaw, pachâ teh, Sâtâ ta sâh chanei ta a cha chanei thei nawpa ta, cha hnei awpa a khoh.

LUKA 22:31 ပူးပေါင်းရင်းမြစ်များ

ISAI 28:28

Viahchhâ tao awpa ta sâh daih awpa byuh ta, Chavâta sâh cha chakhyh ngâ thlâh veih ei. Sâh chakhyna talailih tiaki cha, Sapiah chô liata pasiesapa châ ta; Sâh daih awpa châta deikua cha, Arâzy hmâpa châ veih ei.

AMÔSÂ 9:9

“Pachâ teh u, bie pie aw na ta, Sohhri ta sâh ripa hawhta, Izarei phopi he phopi zydua hry liata ei ri aw; Alô dikaripa chhao, Alei liata tla aw vei.

ZEKARIA 3:1

Chatawhcha Abeipa vâlyuhchâpa hmiakô liata â duahpa theihthai beichaipa Zawsua nata ano leih awpa ta a chachâh lâta a duahpa Sâtâ na pahmô ta.

MATHAI 26:30

Hla ama sa khai nahta, Ôli tlâh lâ sie ha ei ta.

MATHAI 4:10

Zisu ta a hnohta, “Sâtâ, a râ teh! ‘Abeipa na Khazohpa a chhy aw chi ta, Ano deita na chakao awpa a châ,’ Tahpa ta ropa châ tlôh ta,” tah ta.

LUKA 10:41

Abeipa ta a chhy ta, “Marthâ, Marthâ, hmo hluhpi pachâ chi ta, nâ tymâ kaw.

HMOTAOPAZY 9:4

Alei liata pao ta, ao thei ta, ao chata a hnohta, “Sawla, Sawla, khazia eina taola chi?” tah ta.

1 KAWRINI 5:5

Cha chyhsa cha, Abeipa Noh liata a thlahpa pachhapa a châ nawpa ta, a sapa cha pahleipadia awpa ta Sâtâ hnohta pie muh vy.

2 KAWRINI 2:11

Chataleipatala Sâtâ ta miah a pahnie pathlei aw. Sâtâ hmochhuahpa pahno leipa ta y ma pi.

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.

BIEPHUAH 12:10

Chatawhcha avâ liata ao paro ngaitapa thei na ta, ao chata, “Tahmâ cha eima Khazohpa pachhana, hmotaotheina, khinarâh nata a Krista biehneina zy a vaw tlô haw. Eima unawhzy a leihtuhpa, eima Khazohpa hmiakô liata chhô nah zâ ta âmo a leih tyhtuhpa cha, za thy pathlahpa a châ haw.