LUKA 22:29 - Mara Bible RV (BSI)

²⁹ ei Paw ta khinarâh eina piepa hawhta, nâmo chhao khinarâh ei cha pie ei.

LUKA 22:29 ပူးပေါင်းရင်းမြစ်များ

MATHAI 24:47

Hmeiseihta ta ei cha chho ei, cha chakaotuhpa cha a hneipa zydua chô liata hyutuhpa ta a tao aw.

MATHAI 25:21

A zibeipa ta a hnohta, ‘Chakaotuhpa phapa nata ngâchhihpa, na tao pha na. Hmo chyhta chô liata ngâchhih chi ta, a hluhpi chô liata ei cha paysa aw. Na zibeipa alyna liata a ngia teh,’ tah ta.

MATHAI 25:34

Abeipa ta a chachâh lâta a ypazy hnohta, ‘Ei Paw ta byhnâ a piepazy saih u, a vy u la, khizaw tao tua no tawhta khinarâh a chhuahdypa cha to teh u.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

MATHAI 5:10

“Siana vâta taola a taopazy ama nohlao na, vârâh khinarâh ama eih a châpa vâta.

MATHAI 5:3

“Thlahpa sipasapazy ama nohlao na, vârâh khinarâh ama eih a châpa vâta.

LUKA 12:32

“Sahlao chyhpa saih u, chi khuh vy. Khinarâh a cha pie awpa ei cha nama Paw alynazie a châ.

LUKA 19:17

Abei ta a hnohta, ‘Chakaotuhpa phapa, na tao pha na! A chyhta chô liata ngâ nâ chhihpa vâta, khih hrawh chô liata hyutuhpa ta na y aw,’ tah ta.

1 KAWRINI 9:25

Ataopasuana liata a hlaopazy cha, kyh toti liata amâ sohsi tyh. Âmo cha lakho rao theipa hmô awpa ta tei ei ta, keimo deikua cha, lakho rao thei leipa hmô awpa ta eima tei.

2 KAWRINI 1:7

Eima pasa taona miah hlykheipa nama châpa hawhta, eima thlalôhna chhao miah a hlykhei awpa nama châpa eima pahno. Chavâta nâmo châta eima hnabeiseihna â i ngaita.

2 TIMAWTHY 2:12

Pasa eima tao khiahta cha, A hnohta ryu eima reih hra aw; Ano eimâ paphasai khiahta cha, Ano chhao ta miah â paphasai hra aw;

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?

1 PITY 5:4

Chatanachata Mietaku Vaituhpa Beichaipa â vaw luah tita, rônahna beilakho rao thei leipa nama hmô aw.

BIEPHUAH 21:14

Khihpi thokhy cha lôbô miahrawh hleino hnei ta, chazy liata Mietakutaw lyuhchâpa pahrawh hleino mohzy a choh ta.