26 Nâmo deikua la cha hawhta châ veih ei chi. Nama hry liata a rônah chaipa cha seihnai chaipa hawhta y sala, hyutuh chaipa cha chakaotuhpa hawhta y mawh sy.
Nâmo hry liata deikua cha, cha hawhta a châ awpa châ vei. Nama hry liata ahy rai chyhsa rônahpa châ a khohpa cha, nâmo châ chakaotuhpa ta a y awpa a châ.
A tyuh ta, pahrawh hleinozy cha aw ta, ama hnohta, “Ahy rai a hmiatua chaipa a châ khoh khiahta cha, chyhsa zydua hlâta hnôh chaipa ta a y awpa châ ta, chyhsa zydua chakaotuhpa ta a y awpa a châ,” tah ta.
ama hnohta, “Ahy rai ei moh vâta he hawti a lypa cha keima nâ lypa châ ta, ahy rai kei nâ lypa cha nâ tuahtuhpa a lypa a châ. Nama zydua hry liata a chyh chaipa cha, ano tlai cha a rônah chaipa a châ,” tah ta.
He khizaw ryhpa hawhna heta y leipa u la, nama palôh pathiehpa ta tlao anano lymâ teh u. Chatanachata Khazohpa khopa cha khâpa ma a châ tahpa pahno thei aw ei chi ta, hmo phapa a pyh tlâhpa nata phapakipa cha nama pahno thei aw.
Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”