LUKA 22:19 - Mara Bible RV (BSI)

¹⁹ Viahchhâ la ta, alyna bie a rei khai nahta, eichheih ta, ama hnohta pie ta, “He he ei sapa, nama châta piepa a châ, einâ thei thlâh nawpa ei chi ta, he he tao tyh muh vy,” tah ta.

LUKA 22:19 ပူးပေါင်းရင်းမြစ်များ

HLAZY 111:4

Hmonoâhpa a taopazy cha khâ a thei thlâh awpa ta tao ta, Abeipa cha ngiachhiena nata zawngiahna a hneipa a châ.

HLAZY HLA 1:4

Na ku ta nâ kei la, A râ ei suh u. Abei ta a chhôhpadâhpazy lâ einâ ngiakhei haw. Nâ liata a lypa ta eima thapha aw ta, Na kyhpachâna cha kresawhti hlâta eima cheihchalo via aw; Ama cha khoh kaw saipa he â vaw do tlai na.

EZEKIA 37:11

Chatawhcha ei hnohta, “Chyhsa sawchapawpa y, he ruzy he Izarei pathlazy ama châ hih. Pachâ teh, Izarei pathlazy ta, ‘Eima ruzy chawhkaraipa ta, eima hnabeiseihna lei khai ha ta, chhawh pathlahpa ta eima y haw,’ ama tah.

EZEKIA 5:5

“Abeipa Zehôvâh ta hetana heta a tah: He he Zerusale a châ. Phopizy liah liata soh na ta, râhzy ta ei chadôsa.

DÂNIAH 2:38

avâ Khazohpa ta beinarâh, biehneina, thatlôna nata rônahna zy cha pie ta; chyhsa sawzy, râhsazy nata avâ liata pavawzy pahrâna su zydua cha pie ta, âmo chô liata ryureituhpa ta a cha tao. Ngôh luh kha nâma na châ.

MATHAI 14:19

Zawpizy cha sibiepa chô liata a tyuh awpa ta biepie ta, viahchhâ tlâ pangawh nata ngasa miano cha la ta, avâ lâ moh ta, byhnâ aw ta. Chatawhcha viahchhâ cha eichheih ta a pachupazy hnohta pie ta, pachupazy ta zawpizy cha rai ei ta.

MATHAI 15:36

viahchhâ tlâ sari nata ngasazy cha la ta, alyna bie a rei khai nahta, eichheih ta, a pachupazy hnohta pie ta, pachupazy ta zawpizy cha rai ei ta.

LUKA 22:17

Chatawhcha nyu la ta, alyna bie a rei khai nahta, “He nyu he la u la, a rai teh u.

LUKA 22:20

Cha hawhna hra chata, zâ pati ama nie khai nahta, nyu cha la ta, “He nyu, nama châta patlaipa he ei thisaih liata biehrai thiehpa, nama châta a lohpa a châ.

LUKA 24:30

Pati nie awpa ta ama hnohta tlâhkhai liata a dôh nahta, viahchhâ la ta, byhnâ aw ta, pachhaih ta, ama hnohta pie ta.

ZAWHÂNA 6:23

Abeipa ta alyna bie a rei khai nahta viahchhâ ama niena su kiapâh liana kha Taibiria balyh hropazy vaw tlô ei ta.

ZAWHÂNA 6:51

Kei he vârâh tawhta viahchhâ hrohpa a zâ chôpa ei châ. Ahy rai he viahchhâ he a nie khiahta cha, chhâzaw ta a hroh thlâh ha aw. Khizaw hro nawpa ta ei pie awpa viahchhâ cha ei sapa he a châ,” tah ta.

1 KAWRINI 10:16

Byhnâ tona nyu châta byhnâ eima aw tyhpa he, Krista thisaih a hlykheina châ vei mâ? Viahchhâ eima pachhaih tyhpa he, Krista pôhpa a hlykheina châ vei mâ?

1 KAWRINI 10:4

ama zydua ta thlahpa ti miakha ama doh. Âmo a zituhpa thlahpa Lôpanô tawhta ti doh ei ta, cha Lôpanô cha Krista a châ.

KALATIA 1:4

Ano cha eima Khazohpa nata eima Paw khozie hawhta, tahmâhlâ khizaw moleina tawhta miah pachha awpa ta, eima moleinazy vyuhpa ta anosasyh â hlâpa a châ.

KALATIA 4:25

Hâkarâ cha Arabia râh liata Sinai Tlâh châ ta, a sawzy chhaota sei ta a ypa ama châpa vâta, tahmâno ta Zerusale vyuhpa ta a duahpa a châ.

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

1 THYSALAWNIKA 5:18

kyh to liata alyna bie reih teh u. Cha cha nama châta Krista Zisu liata Khazohpa khozie a châ.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.