LUKA 22:17 - Mara Bible RV (BSI)

¹⁷ Chatawhcha nyu la ta, alyna bie a rei khai nahta, “He nyu he la u la, a rai teh u.

LUKA 22:17 ပူးပေါင်းရင်းမြစ်များ

HLAZY 116:13

Pachhana nyu la aw na ta, Abeipa moh ei pado aw.

HLAZY 23:5

Ei khakhaipazy mohmô ta, Ei hmiakô liata tlâhkhai nâ chhuahdy chi ta, Ei luh he sathaw thu chi ta, Ei nyu chhao a khô pathlah.

ZEREMIAH 16:7

Mâchhiesapazy cha athipa amâ ngiahna thlapalôh awpa ta, ahy hmahta niedo pie leipa aw ei ta, ama paw tlyma, ama nô tlyma, athipa amâ ngiahna hnapangâhna nyu doh awpa chhao ahy hmahta pie aw veih ei.

MATHAI 14:19

Zawpizy cha sibiepa chô liata a tyuh awpa ta biepie ta, viahchhâ tlâ pangawh nata ngasa miano cha la ta, avâ lâ moh ta, byhnâ aw ta. Chatawhcha viahchhâ cha eichheih ta a pachupazy hnohta pie ta, pachupazy ta zawpizy cha rai ei ta.

MATHAI 15:36

viahchhâ tlâ sari nata ngasazy cha la ta, alyna bie a rei khai nahta, eichheih ta, a pachupazy hnohta pie ta, pachupazy ta zawpizy cha rai ei ta.

MATHAI 26:26

Ama nie hai nota, Zisu ta viahchhâ la ta, byhnâ a aw khai nahta, pachhaih ta, pachupazy pie ta, ama hnohta, “La u la, nie teh u, he he ei sapa a châ,” tah ta.

MÂKA 14:22

Ama nie hai nota, Zisu ta viahchhâ la ta, byhnâ a aw khai nahta, eichheih ta, ama hnohta pie ta, “Nie teh u. He he ei sapa a châ,” tah ta.

LUKA 22:19

Viahchhâ la ta, alyna bie a rei khai nahta, eichheih ta, ama hnohta pie ta, “He he ei sapa, nama châta piepa a châ, einâ thei thlâh nawpa ei chi ta, he he tao tyh muh vy,” tah ta.

LUKA 9:16

Viahchhâ tlâ pangawh nata ngasa miano cha la ta, avâ lâ uapa ta byhnâ aw ta. Viahchhâ cha pachhaih ta, zawpi rai awpa ta pachupazy cha pie ta.

RAWMA 14:6

Noh a chaypa cha Abeipa palyupalih nawpa ta a chaypa a châ. Ato a niepa chhao, Abeipa palyupalih nawpa ta nie ta, Khazohpa lâta alyna bie a hlâ tyh. Nie a taihpa chhao, Abeipa palyupalih nawpa ta a taih ta, Khazohpa lâ alyna bie a hlâ tyh.

1 KAWRINI 10:16

Byhnâ tona nyu châta byhnâ eima aw tyhpa he, Krista thisaih a hlykheina châ vei mâ? Viahchhâ eima pachhaih tyhpa he, Krista pôhpa a hlykheina châ vei mâ?

1 KAWRINI 11:23

Nama hnohta ei cha pie pachhuahpa ei he Abeipa tawhta ei hmôpa a châ. Abeipa Zisu cha patusapa ta a y zâ ta, viahchhâ la ta,

RYHPACHANEINA 8:10

Nie aw ei chi ta, lôhrâtlôpa ta nama y tita, râh phapa châ pietuhpa Abeipa nama Khazohpa cha reithai muh vy.

1 SAMUELA 9:13

Khihpi namâ ngiapa nahta, su sâhpa liata pati nie awpa ta a khy hlâta, ano cha thlai nama hmô aw. Atheihna châta byhnâ a aw ha tua awpa a byuhpa vâta, ano a tlô hlâlei cha zawpi ta pati nie aw veih ei. Cha khai tawhta hrua eihpazy ama nie tyh. Chavâta khy para u la, thlai nama hmô aw,” tah ei ta.