LUKA 21:36 - Mara Bible RV (BSI)

³⁶ Cha hmo vaw tlô awpa zydua a khôkhâh tlâhpa nata Chyhsa Sawchapawpa hmiakô liata a duah tlâhpa ta raopa nama châ thei nawpa ta, khâpa no rai ta thlahchhâna chôta riavaihpa ta y teh u,” tah ta.

LUKA 21:36 ပူးပေါင်းရင်းမြစ်များ

ZAWBÂ 27:10

Atotaotheipa liata â ly aw ma? Khazohpa cha khatino rai ta a pado aw ma?

HLAZY 1:5

Chavâta hmoparaopazy cha pachiana liata thaichâ leipa aw ei ta, Moleipazy chhao mosiapazy apakhyna liata a hlao thei aw veih ei.

ZEREMIAH 35:19

Pheisaihzy Abeipa, Izarei Khazohpa ta hetana heta a tah: Rekhâ sawchapawpa Zônadâ cha, a pathlazy hry tawhta ei hmiakô liata a duah awpa chyhsa a phahla beih aw vei.”

MALAKHAI 3:2

Châhrasala ahy ma â vyna noh liata pachyu thei aw ta, â vaw luah tita a duah thei aw? Ano cha patina mei hawhta châ ta, chysia pasutuhpa sâhbaw hawhta a châ.

MATHAI 24:42

Khâpa nota ma nama Beipa cha â vy aw tahpa nama pahno leipa vâta, a hrohruapa ta y teh u.

MATHAI 24:43

Châhrasala he he pahno teh u: Kheihawhpa zâ daihti liata ma parutuhpa â vy aw tahpa o hneituhpa ta pahno ha sala cha, a hrapa ta vaih aw ta, a o pangiasa aw vei.

MATHAI 24:44

Chavâta nâmo chhao a mâ chiehpa ta y teh u, nama pangiasa leina daihti liata Chyhsa Sawchapawpa cha a vy tlôh aw ta.

MATHAI 25:13

A noh nata dawh pahno tlôh leipa ei chi ta, chavâta a hrohrua teh u.

MATHAI 26:41

Reipasaona liata namâ ngia lei nawpa ta, a vaih u la, thlahchhâ teh u. Thlahpa ta la hoh ta, sapa deikua a dadieh,” tah ta.

MATHAI 8:20

Zisu ta a hnohta, “Changiezy ta khaoh hnei ei ta, vâ pavawzy ta bu ama hnei. Chyhsa Sawchapawpa deikua cha luh nyu nawpa su chhao hnei vei,” tah ta.

MÂKA 13:33

A daihti vaw tlô nawpa nama pahno leipa vâta, riavaihpa ta y u la, a hrohruapa ta thlahchhâ teh u.

MÂKA 13:37

Nama hnohta ei reipa he chyhsa zydua hnohta a reihpa ei châ: Riavaihpa ta y teh u,” tah ta.

LUKA 1:19

Vâlyuhchâpa ta a chhy ta, “Kei he Kabriel ei châ. Khazohpa hmiakô liata a duah tyhpa châ na ta, bie cha chho ta, he thâtih lychhihpa he cha vaw tlôkhei awpa ta tuapa ei châ.

LUKA 18:1

Zisu ta a pachupazy cha hnabeidy leipa ta, khâ thlahchhâ awpa a châzie pakhona bie chho ta.

LUKA 20:35

Chhâ vaw y awpa a to tlâh awpa ta pachâpazy nata athihpa hry tawhta thyuheihna liata a hlao tlâh awpa ta raopazy deikua la, lapinô pakia khao leipa aw ei ta, vahpa hnei khao aw veih ei.

LUKA 21:35

Cha noh cha khizaw pôhpalôhpa liata a pahrâpa zydua chô liata vaw tlô tlôh aw ta.

HMOTAOPAZY 10:2

Kawnilia cha Khazohpa a pachâpa chyhsa châ ta, a chhôhkha zydua chhao Khazohpa a chipa châ ei ta, chyhsa rietheipazy riapha ngaitapa ta baona a pie tyhpa châ ta, Khazohpa lâ thlah khâ a chhâ tyhpa a châ.

1 KAWRINI 16:13

A vaih u la, ngiapâna liata â ipata a duahpa ta, riahphapa ta y u la, thatlôpa ta y teh u.

2 KAWRINI 4:14

Abeipa Zisu a pathyutuhpa ta keimo chhao Zisu hnohta miah pathyu hra aw ta, a hmiakô liata nâmo nata miah a paduasa khoh aw tahpa eima pahno.

KAOLAOSÂ 4:2

Thlahchhâ lylia u la, nama thlahchhâna liana chata alyna bie reih u la, a hrohrua teh u.

1 THYSALAWNIKA 5:17

bâh leipa ta thlahchhâ u la,

2 TIMAWTHY 4:5

Nâ deikua cha, ato liata a sohsi la, riethei tao la, thâtihpha chhotuhpa rai hria la, na chakaona patlô mah y.

1 PITY 4:7

Hmo zydua chhâna â hnia haw. Chavâta thlah nama chhâ thei nawpa ta palôh pasohpa nata a sohsi ngaitapa ta y teh u.

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.

1 ZAWHÂNA 2:28

Chavâta sawzy saih u, ano liata y thlâh ha muh vy. Chatanachata â vaw luah tita hnangâhpa ta y aw pi ta, â vy tita a hmiakô liata noza leipa ta eima y thei aw.

ZUDÂH 1:24

Tahmâ he nama pao lei nawpa ta châ hrôbieh theipa ei nata a rônahna hmiakô liata seina hnei leipa ta, a ly ngaitapa ta châ soh theipa ei,

BIEPHUAH 11:4

Âmo cha ôli tho miano nata meiôh patyuna alei Beipa hmiakô liata a duah tyhpazy ama châ.

BIEPHUAH 6:17

Ama hiehâhna noh rarôh y ngaitapa vaw tlô ha ta, ahy ma a duah thei aw?” tah ei ta.

BIEPHUAH 7:9

Cha hnôhlâ ta kaw moh na ta, râh to, chi to, phopi to nata reih to tawhta zawpi hluh ngaitapa, ahy hmahta rei tiah leipazy cha poh diehpa a bupa nata thiahrâ kuah chabapa ta, beidyuchhai hmiakô liata nata Mietakutaw hmiakô liata amâ duapa hmô na ta.

BIEPHUAH 8:2

Chatawhcha Khazohpa hmiakô liata a duah tyhpa vâlyuhchâpa pasarizy hmô na ta, ama hnohta chiahmie miasari piepa châ ei ta.