LUKA 21:24 - Mara Bible RV (BSI)

²⁴ Zaozi ta thi aw ei ta, phopi zydua sei ta a chhipa ama châ aw. Zenitaizy noh â ki hlâlei cha, Zerusale cha Zenitaizy tlypâpa ta a y aw.

LUKA 21:24 ပူးပေါင်းရင်းမြစ်များ

ÂTHAONA 34:26

Hamô nata a sawchapawpa Sekhe chhao zaozi tiahpa ta thie ei ta, Dinâ cha Sekhe o tawhta puakhei ei ta, amâ chhi haw.

PUASAINA 17:13

Chatanachata Zawsua ta Amale nata a sahlaozy cha zaozi ta a pahnie ha ei.

ISAI 5:5

Chavâta ei kre sadô chô liata ei tao awpa Tahmâ ei cha chho aw ei. A diahpai phie aw na ta, Nie khaipa ta a y aw. A diahsua parao aw na ta, Tlypâpa ta a y aw.

ISAI 63:18

Na supathaihpa cha, Bohpi leipa chhôh deita na phopi ta hnei pi ta, Tahmâ cha eima chariahpazy ta ama tlypâ ha hih.

ISAI 66:12

Abeipa ta he hetana heta a tah: “Moh teh u, Zerusale chô liata Chavah hawhta thlalôhna palosa aw na ta; Vahtie kao a khô ngâpa hawhta, A chô liata râh rônahna ei palosa aw. A sâhpiti pazy aw ei chi ta, A chakhai ta cha phaoh aw ei ta, A pakhu liata pasuapalipa ta nama y aw.

ISAI 66:19

Ama hry liata ngiana soh aw na ta, ahrohpazy cha âmo tawhta râhzy lâta tuah aw ei na ta, libaw a chabapa Tâsi, Puli nata Ludi lâzy tuah aw ei na ta, tilaipi kiah râh hlapi liata a ypa, ei mohpathâhna a thei beih leipa nata ei rônahna a hmô beih leipa Tubâ nata Zavâ mozy lâ ei tuah aw ei. Chatanachata râhzy liata ei rônahna ama phuah aw.

CHAPHÔHTUNA 1:15

“Ei pasaipha zydua kha, Abeipa ta a thy khai ha ei; Nâ dyuh awpa ta pakhypi aw ta, Ei satliazy pahleipadia awpa ta pakhypi a aw; Zudâh sawchanô laihsa kôpa cha, Kre saohna liata kre thei tlypa hawhta Abeipa ta a tly haw.

DÂNIAH 12:7

Chatawhcha pala rih dipa chysia a tobi ta, chavah ti chô liata â pahai thlâh hapa chata, a ku chachâh lâ nata a ku chavei lâ avâ lâ pazawh ta, tlyzaw ta a hrohpa moh reipa ta, “Daihti ei kha, daihtizy nata daihti khophie chhôh a châ aw, mopathaihpazy hmotaotheina paraopa a châ khai tita, he hmo zydua he â ki aw,” tahpa ta bie â taihpa thei na ta.

DÂNIAH 8:13

Chatawhcha mopathaihpa pakha bie reipa thei na ta, mopathaihpa hropa ta bie a reihpa mopathaihpa hnohna chata, “Raopa hlâna hlâ tyhpa kyh, roryhrana patlôsatuhpa paraona kyh nata phei ry liata tlypâ awpa ta su pathaihpa nata sahlaozy hlâpa ta ama yna kyh aluahnazy he khati taih ma a châ aw?” tah ta.

DÂNIAH 9:27

Abei ta hâta ei kha chhôh chyhsa hluhpi hnohta biehrai a ipa tao aw ta, hâta khophie chhôh atheihna nata hmohlâpazy a pachhâsa aw. Chatawhcha roryhrana patlôsatuhpa chô liata chhâna daihti rao chhielie hapa patlai thlupa a châ hlâlei cha, roryhrana patlôsatuhpa cha pasichhihpa mathlaw chô liata a chohpa ta â vy aw,” tah ta.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

LUKA 21:25

“Cha daihti liata, noh nata thlâpâ nata awhsizy liata ngiana y aw ta, tilaipi a aohpa nata tichatlaopazy pyu vâta, khizaw liata phopizy nôpopa nata pachârôhpa ta ama y aw.

RAWMA 11:25

Unawh saih u, he bienyupa he nama pahno lei awpa khoh va na. Chataleipatala namâ palai pathlei aw na. Zenitaizy pakina a vaw tlô hlâta, Izarei chô liata kuhchhana a rakhapa ta a vaw tlô chypa a châ.

HEBRAI 11:34

Mei hmotaotheina pachhai ei ta, zaozi tiahpa khôkhâh ei ta, chiehleina tawhta thatlôpa ta taopa ama châ. Adyuhna liata pasaipha châ ei ta, chihropa pheisaihzy a chadai ei ta amâ râpai.

BIEPHUAH 11:2

Achhyna o khôtho lâ dôhpachhôh tlyhmia deikua thlie leipa la, siesai mah y. Cha cha Zenitaizy hnohta piepa châ ha ta, âmo ta khihpi pathaihpa cha thla sypalih nata thla no ama tlypâ aw.