LUKA 21:23 - Mara Bible RV (BSI)

²³ Cha nohzy liata chanô sawphaohpa nata hawsaih a pyh haipazy hupo awpa rimâ cha! Khizaw liata rietheina thata y aw ta, he phopi chô liata hiehâhna a vaw tlô aw.

LUKA 21:23 ပူးပေါင်းရင်းမြစ်များ

CHAPHÔHTUNA 4:10

Ngiachhiena ta a biepa chanôzy ta Âmo ku tlai ta ama sawzy chhoh ei ta; Ei phopi sawchanô raona â tyhna daihti liata Ama nie awpa lâta amâ lie haw.

DÂNIAH 8:19

Ei hnohta, “Moh teh, hiehâhna hnôh lâta hmo a vaw tlô awpa ei cha pahnosa aw, aluahna he chhâna daihti raopa kyh a châ.

MATHAI 21:16

a hnohta, “He sahlaozy biereipa he na thei ma?” tah ei ta. Zisu ta ama hnohta, “Ei thei mâh tâh; “‘Hawsaihzy nata sâhpi pazy haipazy pakah tawhta, Reithaina nâ chhuahdy haw,’ tahpa bie reih beih veih ei chi ma?” tah ta.

MATHAI 21:41

Âmo ta a hnohta, “Cha moleipazy cha ama rie patheisapa ta thie aw ta, kre sadô cha, a thei â daihna maihta, ano tovyuh a pie lymâ awpa thlyuhlaotuh hropazy hnohta a pie aw ei,” tah ei ta.

MATHAI 21:44

Ahy rai cha alô chô liata a paopa cha keichheih aw ta, alô ta a vipa cha a pazao khai aw,” tah ta.

MATHAI 24:19

Cha nohzy liata chanô sawphaohpa nata hawsaih a pyh haipazy hupo awpa rimâ cha!

MÂKA 13:17

Cha nohzy liata chanô sawphaohpa nata hawsaih a pyh haipazy hupo awpa rimâ cha!

LUKA 19:27

Ama bei châta nâ khoh leipa ei chariahpazy kha, he lâ a vaw chhi u la, ei hmiakô liata thie teh u,’ a tah aw,” tah ta.

LUKA 19:43

Na chariahpazy ta diahsua cha dôhkhâhpa ta, cha chadô aw ei ta, su to tawhta ama châ dyuh nawpa nohzy a vaw tlô hai.

LUKA 23:29

Moh teh u, nohzy a vaw tlô hai. Cha nohzy liata, ‘Chanô chohpa nata nawh â choh beih leipa chhi nata nawh ta a pazy beih leipa sâhpi zy cha ama nohlao na!’ ama tah aw.

1 KAWRINI 7:26

Tahmâhlâ riethei rairuna vâta, chyhsa to ama y ualua ta ypa pha ei tah.

1 THYSALAWNIKA 2:16

Zenitaizy pachha ama châ thei nawpa ta ama hnohta bie chho awpa miah pakhâ ei ta, chatanachata ama moleina panuana ama pabie lymâ. Achhâna liata cha Khazohpa hiehâhna ama chô liata a vaw tlô haw.

HEBRAI 13:16

Hmo pha tao my leipa u la, nama hneipazy a chhaih awpa my khuh vy. Cha hawhpa atheihnazy ta Khazohpa a palysa.

ZÂMIE 5:1

Nâmo, hneirôhpa saih u, a vy u la, nama chô liata rietheina vaw tlô haipazy vâta cha u la, thata sâh teh u.

1 PITY 4:17

Pachiana cha Khazohpa chhôhkhazy liata pathao a daih ha ta, keimo lia hmahta pachiana a pathao khiahta cha, Khazohpa thâtihpha bie a zyh leipazy chhâna awpa chhochhi cha kheihta ma a châ aw tly?