LUKA 21:21 - Mara Bible RV (BSI)

²¹ Cha tita, Zudia râh liata a ypazy cha tlâhzy lâ a râ ei sala, khihpi chhôh liata a ypazy ta khihpi puasai ei sala, râh liata a ypazy ta khihpi chhôh lâ a ngia khah ei sy.

LUKA 21:21 ပူးပေါင်းရင်းမြစ်များ

ÂTHAONA 19:17

Khôtho lâ ama puakhei tawhta, vâlyuhchâpa pakha ta, “Na hro nawpa ta a râ teh. Na hnôh lâ a heih leipa la, bypi khataih su lia rai ta a duah hra khah y! Tlâhzy lâna khi ta a râ mah y. Chataleipatala na leidia pathlei aw,” tah ta.

ÂTHAONA 19:26

Hnôh lâ a chhâhpa Lawta lapinô cha hnôh lâ a heih ta, alôh tôh lâta â lie haw.

BIESOZY 22:3

Asopa cha chichhihpa hmô thaipa ta a nyusai ta, Sona a phahlapa deikua cha chatôh ta pasa a tao tyh.

ZEREMIAH 35:11

Châhrasala Babylaw bei Nebukaneza ta râh a kaw siehnao tita deikua cha, ‘A vy teh u, Kaldia pheisaihzy nata Aramia pheisaihzy riahchipa vâta Zerusale lâ sie ei suh u,’ tah pi ta. Chavâta Zerusale liata a pahrâpa eima châ,” tah ei ta.

ZEREMIAH 37:12

Zeremiah cha Benzami chi hry liata a ryuto râh a la awpa ta, Zerusale puasaipa ta Benzami râh lâ sie ta.

ZEREMIAH 6:1

Hy Benzami pathlazy saih u, Abohna su lâ a râ u la, Zerusale tawhta pua teh u! Tekô liata chiahmie tô u la, Behakere liata ngiana poh chaluah teh u! Maw lâ tawhta chhiena vaw pua ta, Raona rarôh y ngaitapa a vaw pua.

MALUHREINA 16:26

Zawpi hnohta, “He chyhsa moleipazy poh o tawhna heta pua teh u. Ama hneipa chhao khâpa hmah hria khuh vy. Chataleipatala ama moleina zydua vâta pahleipadiapa nama châ pathlei aw,” tah ta.

MATHAI 2:1

Herawda â bei nota Zudia râh Bethlehe khih liata Zisu a vaw pi nahta, nochhi chyhsa sopazy Zerusale lâ a vy ei ta,

MATHAI 24:16

Cha tina cha, Zudia râh liata a ypazy cha tlâhzy lâta a râ mawh ei sy.

MÂKA 13:15

O chô liata a ypa ta o ry lâ chô leipa sala, a o liata hmo la awpa ta a ngia khah sy.

BIEPHUAH 18:4

Chatawhcha avâ tawhta ao hropa thei na ta, ao chata, “Hy ei phopi, Ano tawhta vaw pua teh u; Chataleipatala a moleinazy liata a hlao pathlei aw ei chi ta, A potlana liata namâ hlao pathlei aw na.