LUKA 21:20 - Mara Bible RV (BSI)

²⁰ “Zerusale khihpi cha pheisaihzy ta ama dôhpa nama hmô tita, roryhrapa ta a y nawpa â hnia haw tahpa pahno teh u.

LUKA 21:20 ပူးပေါင်းရင်းမြစ်များ

DÂNIAH 9:27

Abei ta hâta ei kha chhôh chyhsa hluhpi hnohta biehrai a ipa tao aw ta, hâta khophie chhôh atheihna nata hmohlâpazy a pachhâsa aw. Chatawhcha roryhrana patlôsatuhpa chô liata chhâna daihti rao chhielie hapa patlai thlupa a châ hlâlei cha, roryhrana patlôsatuhpa cha pasichhihpa mathlaw chô liata a chohpa ta â vy aw,” tah ta.

MATHAI 24:15

“Chatawhcha hrohsopa Dâniah reipa, roryhrana patlôsatuh pasichhihpa kha, su pathaihpa liata â duapa nama hmô aw. He bie a reihtuhpa ta a yzie pahno mawh sy.

MÂKA 13:14

“Châhrasala roryhrana pasichhihpa cha â dua lei nawpa su liata â duapa nama hmô tita, Zudia liata a ypazy cha tlâh lâ a râ mawh ei sy. A reihtuhpa ta a yzie pahno thai mawh sy.

LUKA 19:43

Na chariahpazy ta diahsua cha dôhkhâhpa ta, cha chadô aw ei ta, su to tawhta ama châ dyuh nawpa nohzy a vaw tlô hai.

LUKA 21:7

Âmo ta a hnohta, “Pachutuhpa, chazy cha khatita ma a châ aw? Chazy a vaw tlô chy ta ngiana kheihawhpa ma a y aw?” tahpa ta hiahri ei ta.

HEBRAI 11:30

Ngiapâna ta Zerikô thokhy cha, noh sari ama chahlô tawhta a cho haw.

HEBRAI 12:1

Cha ngiapâna bie pahnokheituhpazy ta meihdo ru ngaitapa hawhta miah ama pahlypa vâna heta, miah pahny pakhawpa maih nata moleina keimo liata khâchâ a baipa cha soh sih la, eima hmiakô liata arâpasuana a ypa liata tiama ngaitapa ta a râ lymâ suh u.