LUKA 21:12 - Mara Bible RV (BSI)

¹² Châhrasala cha zydua a tlô hlâta, cha patu aw ei ta, ama cha taola aw. Nama thâtih pachia awpa ta pakhyna ozy liata cha hlâpa ta, patâhna ozy liata cha khô aw ei ta, ei moh vâta beizy nata râhvaotuhpazy hmiâkô liata ama châ chhi aw.

LUKA 21:12 ပူးပေါင်းရင်းမြစ်များ

MATHAI 22:6

Chyhsa hropazy ta a chakaotuhpazy cha vaw patu ei ta, noza chhih ngaitapa ta taopa ta, thie ei ta.

MATHAI 24:8

Cha zydua cha sawzeih pasa athaona deita a châ.

LUKA 21:11

Alo ru ngaitapazy a sih aw ta, su hluhpi liata chakâhna tlô aw ta, potlanazy a charei aw. Chichhihpa nata ngiana rarôh y ngaitapazy avâ liata â vaw luah aw.

ZAWHÂNA 15:20

‘Chakaotuhpa cha a zibeipa hlâta lai via vei,’ tahpa bie ei cha chhopa ei kha a thei thlâh ha teh u. Kei eina taola khiah ei ta cha, nâmo chhao ama cha taola aw. Ei bie ama zyh khiahta cha, nâmo bie chhao ama zyh aw.

ZAWHÂNA 15:21

Châhrasala nâ tuahtuhpa ama pahno leipa vâta, he hmo zydua he ei moh vâta nama chô liata ama tao aw.

HMOTAOPAZY 22:30

A mylâ ta, Zuzy ta ama leihna chhâpa hmeiseihpa pahno a chhuahpa ta, pheisaih hyutuhpa ta Pawla chahryna cha pathlâ ta. Theihthai beizy nata ryureituhpa zydua a hmaoh awpa ta biepie ta. Pawla cha a zâ chhi ta, ama hmiakô liata paduasa ta.

HMOTAOPAZY 5:40

A reipa cha pha tah ei ta, lyuhchâpazy cha aw ei ta, chhei ei ta, Zisu moh ta bie rei lei awpa ta biepie ei ta, ama pathlie haw.

HMOTAOPAZY 8:3

Sawla deikua cha Awnanopa taola lymâ ta, o to a ngia ta, a chanô chapaw ta a daophi ta, patâhna o liata khô lymâ ta.

HMOTAOPAZY 9:4

Alei liata pao ta, ao thei ta, ao chata a hnohta, “Sawla, Sawla, khazia eina taola chi?” tah ta.

1 PITY 2:13

Ryureih awpa ta raopazy cha, Abeipa vâta ama rei a ngiah teh u. Biehnei chaipa bei rai châ sala,

BIEPHUAH 2:10

Pasa na tao awpazy chi khah y. Pachâ tua, ahripa ta nama hry liata chyhsa thokha patâhna o liata a cha khô aw ei. Pasiapa ta y aw ei chi ta, noh hrawh chhôh rietheipasa nama tao aw. Thina taihta ngâchhihpa ta y mah y, hrona lakho ei cha pie aw.