LUKA 21:1 - Mara Bible RV (BSI)

¹ Zisu cha mohmia pasaih ta, chyhsa hneirôhpazy ta thyuna byh liata thyuna ama pathlapa hmô ta.

LUKA 21:1 ပူးပေါင်းရင်းမြစ်များ

1 ABEIZY 14:26

Abeipa o liata ryusôhpazy nata abei o liata ryusôhpazy lapa ta, hmo to siekhei ta. Sawlawmaw taopa ngôh vyhphao zydua chhao a siekhei khai haw.

2 ABEIZY 12:9

Theihthaipa Zehôdâ ta thobyh miakha la ta, a phiehru liata a khaoh vieh ta, Abeipa o lâ angiana chachâh lâ maisâh thaby liata patyu ta. Ochhi vaituhpa theihthaipazy ta Abeipa o liata tâkâ a vaw pangiapa zydua, cha liata khô lymâ ei ta.

2 ABEIZY 24:13

Abeipa ta a vaw reipa hawhta, Abeipa o liata ryusôhpa zydua nata abei o liata ryusôhpa zydua cha Babylaw bei ta a siekhei khai haw. Izarei bei Sawlawmaw ta Abeipa Achhyna o liata ngôh hmobaoh a taopa zydua chhao a pakeichheih khai haw.

2 THÂTIHZYRONA 36:18

Khazohpa o liata hmobaoh zydua, a laipa chhao, a chyhpa chhao, Abeipa o liata sôh sopakhypa zydua, abei sôh nata a beimachâzy sôhzy taihta Babylaw râh lâ a siekhei khai haw.

NEHEMIAH 13:13

Theihthaipa Selemiah nata chârohtuhpa Zadô nata Livai chyhsa Pedai zy cha thyuna sôh avaotuhpazy ta rao ei na ta. Âmo baotuhpa châta Mâtaniah sawchapawpa Zaku sawchapawpa Hâna rao na ta. Âmo cha ngâ tlâhpa ta pachâpa châ ei ta, ama rai cha ama unawhzy hnohta ama to awpa hmo raipa a châ.

MATHAI 27:6

Theihthai beizy ta tâkâ cha la ei ta, “He tâkâ he thisaih ty a châpa vâta, Achhyna o tâkâ byh liata so awpa ta Ryhpa ta pasaih vei,” tah ei ta.

LUKA 20:47

Nôhmei olyuzy nie khai ei ta, a chapuahchaluah nawpa ta a pasi pi ta thlah ama chhâ tyh. Cha hawhpa chyhsazy cha thailei ama châ pachai aw,” tah ta.

ZAWHÂNA 8:20

Cha biezy cha Achhyna o liata a pachu nota, thyuna sona su liata reih ta. Châhrasala a daihti a tlô mâh leipa vâta, ahy hmahta Zisu cha patu veih ei.

ZAWSUA 6:19

Tâkâ, ngôh, dawh nata thua hmobaohzy deikua cha, Abeipa châta châ khai aw ta, Abeipa sôh o liata so awpa a châ,” tah ta.

ZAWSUA 6:24

Khihpi cha a chhôh liata a ypa zydua chhaota mei ta rao ei ta, tâkâ, ngôh, dawh nata thua hmobaohzy deita Abeipa o sôh sona liata soh ei ta.