LUKA 20:6 - Mara Bible RV (BSI)

⁶ ‘Chyhsapa tawhtapa,’ tah mawh sih la, Zawhâna cha hrohsopa a châpa pahno pasia tlôh ei ta, chyhsa zydua ta alô ta miah vawhsao aw ei,” tah ei ta.

LUKA 20:6 ပူးပေါင်းရင်းမြစ်များ

MATHAI 11:9

Cha khiah, khâpa mo awpa ta ma nama pua? Hrohsopa mo awpa ta ma? Ano cha hrohsopa a châ tlai, ei cha chho ei, hrohsopa hlâta rônah viapa a châ.

MATHAI 14:5

Herawda ta Zawhâna cha thie awpa khoh ta, châhrasala zawpi ta hrohsopa ta ama pachâ vâta, zawpi riah chipa ta thie ngâh leipa ta.

MATHAI 21:26

‘Chyhsapa tawhta,’ tah mawh sih la, zawpi chi tlôh pi, chyhsa zydua ta Zawhâna kha hrohsopa ta ama pachâ khaipa châ tlôh,” tah ei ta.

MATHAI 21:46

Zisu cha patu a chhuah ei ta, châhrasala zawpi pachâ ta hrohsopa hawhta ama hmôpa vâta, zawpi chipa ta patu ngâh leipa ei ta.

MATHAI 26:5

Châhrasala, “Kyhchhi chhôh ta la châ khah sy. Chataleipatala zawpi hry liata tymâna a y pathlei aw na,” tah ei ta.

MÂKA 12:12

Cha pakhona bie cha âmo a nuapa ta a reipa a châ tahpa ama pahnopa vâta, Zisu cha patu awpa khoh ei ta. Châhrasala zawpi ama chipa vâta, Zisu cha siesaipa ta, sie ha ei ta.

LUKA 1:76

Chavâta nâ, hawtipa y, Chônôchai hrohsopa tahpa na châ aw. Abeipa lâpizy a chhuahdy awpa ta, A hmia lâta sie aw chi ta,

LUKA 20:5

A chhohia ei ta, “‘Vârâh tawhtapa,’ tah mawh sih la, ‘Cha khiahta cha khazia namâ ngiapâ vei?’ miah tah ha aw.

LUKA 20:7

Chatanachata khataih tawhtapa ma a châ tahpa ama pahno leizie a chhy ei ta.

LUKA 7:30

Phârisaihzy nata ryhpa pachutuhpazy deikua cha, âmo châta Khazohpa ryhraona cha khoh veih ei. Âmo cha Zawhâna liata bâti a châ leipazy ama châ.

ZAWHÂNA 10:41

Chyhsa hluhpi ano lâ a vy ei ta, a hnohta, “Zawhâna khata hmonoâhpa tao leipa ta, châhrasala Zawhâna ta he chyhsa thâtih a reipa zydua deikua cha â do khai,” tah ei ta.

HMOTAOPAZY 5:26

Achhyna o hyutuhpa cha chakaotuhpazy a chhipa ta vawh ta, zawpi ta alô ta ama vawh awpa ama chipa vâta, thachahra hmâ leipa ta lyuhchâpazy cha a vaw chhi ei ta.