LUKA 20:47 - Mara Bible RV (BSI)

⁴⁷ Nôhmei olyuzy nie khai ei ta, a chapuahchaluah nawpa ta a pasi pi ta thlah ama chhâ tyh. Cha hawhpa chyhsazy cha thailei ama châ pachai aw,” tah ta.

LUKA 20:47 ပူးပေါင်းရင်းမြစ်များ

ISAI 10:2

Phahlapazy adona hny ei ta, Ei phopi dyhchhiepazy pikhei tovyuh ama chhu tyh. Nôhmeizy cha ama hraona sôh ta tao ei ta, Paw hnei leipazy chhao ama tai awpa sa ta ama tao tyh.

EZEKIA 22:7

Nôpaw za leina khihpi chhôh liata y ta, chihropa mapaihpa tlybaipa ta a hmo chhu ei ta, paw hnei leipa nata nôhmei chô liata â doleipa ta ama tao tyh.

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

AMÔSÂ 2:7

Sipasapazy luh alei dohlei liata tlypâ ei ta, Dyhchhiepazy lâpi ama chahrih tyh; Paw nata saw ta chanô pakha a ziakhei ei ta, Ei moh pathaihpa ama papuapalei.

MIKÂ 2:2

Lyuzy uahvapa ta chhu ei ta, Ozy chhao uahvapa ta amâ la tyh; Chyhsa o chhu ei ta, Chyhsa ryu ama chhu tyh.

MIKÂ 2:8

Châhrasala atlia tawhta cha, Ei phopi ta chariah hawhta thyu ei chi ta, Thlalôh kawpa ta châ chapiapazy cha, Ama chysia phapazy pahluhpa ei chi ta, Adyuhna lâ tawhta a vaw liepazy hawhta nama tao tyh.

MIKÂ 3:2

Nâmo, hmo phapa a hao ei chi ta, Hmo chhiepa a pasôpazy; Nâmo, ei chyhsazy vo hlaih ei chi ta, Ama ruzy tawhta ama sa a kaopazy;

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

MATHAI 23:14

“Nâmo, ryhpa pachutuhpa nata Phârisaih phapakheipazy saih u, nama hu a po na! Nôhmeizy o nie khai ei chi ta, a pakheipa ta a pasi pi thlah nama chhâ tyh. Chavâta thailei pachâsa via pachaipa nama châ aw.

MÂKA 12:40

Nôhmei olyuzy nie khai ei ta, a chapuahchaluah nawpa ta a pasi pi ta thlah ama chhâ tyh. Cha hawhpa chyhsazy cha thailei ama châ pachai aw,” tah ta.

LUKA 12:1

Cha nona chata, amâ tlypâ ngâna taihta zawpi sâh hluhpi a vaw hmaohpakhy ei ta, Zisu cha a pachupazy hnohta bie reih tua chai ta, “Phârisaihzy thinô liata a vaih teh u, cha cha phapakheina a châ.

LUKA 20:46

“Ryhpa pachutuhpazy tawhta a vaih teh u. Âmo cha viahkao pasipazy a kypa ta, sôdaohna suzy liata anaohna hnabeiseih ei ta, pakhyna ozy liata dyuchhai pha chaipazy a hnaw ei ta, kyhchhina liata su pha chaipazy amâ haw tyh.

LUKA 21:1

Zisu cha mohmia pasaih ta, chyhsa hneirôhpazy ta thyuna byh liata thyuna ama pathlapa hmô ta.

1 THYSALAWNIKA 2:5

Nama pahnopa hawhta, reithai pakheina biezy reih beih leipa pi ta, karâyna khu nawpa biezy reih beih hra ma pi. Khazohpa cha miah pahnokheituhpa a châ.

TITU 1:16

Khazohpa pahno a tah ei ta, châhrasala ama hmotaopazy ta Khazohpa cha amâ paphasai. Pasichhihpa nata reingiah leipa châ ei ta, hmopha tao awpa ta khâpa kyh liata hmahta a tlâh a châ leipazy ama châ.

ZÂMIE 3:1

Unawh saih u, nama hry liata chyhsa hluhpi la pachutuhpa châ khoh hlei khuh vy. Keimo pachutuhpazy pi cha pachiana a sâh viapa ta pachia awpa eima châpa nama pahno.