LUKA 20:13 - Mara Bible RV (BSI)

¹³ Chatawhcha kre sadô hneituhpa ta, ‘Kheihta ma ei tao aw tly? Ei sawchapawpa kho ngaitapa he ei tuah thlâh ha tua aw. Ano chhâ he la ama vaw za via ngyu na,’ tah ta.

LUKA 20:13 ပူးပေါင်းရင်းမြစ်များ

ISAI 5:4

Ei tao hapazy hleikhô ta, Ei kre sadô châta tao via awpa a y khao ma? Kre thei phapa pathei awpa ei mokhâh hai nota, Khazia ma kre sihpa a pathei thlâh ha tly i?

ZEREMIAH 36:3

Chatanachata Zudâh pathlazy ta ama chô liata chhiena patlôsa ei chhuahpa zydua pahno aw ei ta, chyhsa to ama hrozie chhiepa tawhta amâ palie thei ngyu aw lah. Chatanachata ama paraona nata ama moleinazy cha ei ngiahthai aw ei,” tah ta.

ZEREMIAH 36:7

Abeipa ta he phopi chô liata hiehâhna nata pathiiana a phuahpa kha pasa ngaita tlôh ta, chavâta zawngiah awpa ta amâ hawna cha Abeipa hmiakô liata vaw tlôpa ta, chyhsa to ama hrozie chhiepa tawhta amâ palie thei ngyu aw lah,” tah ta.

EZEKIA 12:3

Nâ deikua cha, chyhsa sawchapawpa y, seichâna lâ a sie awpa hawhta na hmo a chhuah la, ama mohmô lia tlai ta, nohchhô sawhvaw ta seichâna lâ sie mah y. Seichâna lâ a sie awpa hawhta, ama mohmô lia tlai ta, na yna su tawhta su hro lâ na sie aw. Saw chhorupazy châ hra ei sala, cha dâhdei chhâ cha ama pahno thai ngyu aw lah.

HÔSIA 11:8

Hy Epharai, kheihta ma ei cha thy thei aw? Hy Izarei, kheihta ma chariah ku liata ei cha hlâ thei aw? Kheihta ma Adamâ hawhta ei cha tao thei aw? Kheihta ma Zebôi hawhta ei cha soh thei aw? Ei palôh a vaw nano ha ta, Ei tha eina pasa ha heih chi.

HÔSIA 6:4

Hy Epharai, kheihta ma ei cha tao aw? Hy Zudâh, kheihta ma ei cha tao aw? Nâmo phana cha my meihdo hawh dei châ ta, My diati thlai ta a paipa hawh dei a châ.

MATHAI 17:5

A rei hai no tlai chata, meihdo râhpa ta âmo cha vaw khu ta, meihdo tawhta ao vaw pua ta, “He he ei Sawchapawpa kho ngaitapa, a chô liata ei ly ngaitapa a châ, a bie nathlie teh u,” tah ta.

MATHAI 3:17

Avâ tawhta ao ta, “He he ei Sawchapawpa kyh ei pachâ ngaitapa, a chô liata ei ly ngaitapa a châ,” tah ta.

LUKA 18:2

“Khih kha liata ryureituhpa pakha y ta, cha chyhsa cha Khazohpa chi leipa ta, chyhsa chhao a papeisa leipa a châ.

LUKA 18:4

Ryureituhpa ta khachâ tlyma cha taopa khoh leipa ta. Châhrasala hnôhlâ ta pachâ heih ta, ‘Khazohpa chi leipa na ta, chyhsa chhao a papeisa vei hraw sah la,

LUKA 20:12

A pathôhna tuah heih ta. Cha chhao cha hmah paphaopa ta, papua ha ei ta.

LUKA 20:14

Châhrasala thlyuhlaotuhpazy ta ano cha ama vaw hmô nahta, a chhohia ei ta, ‘He chyhsa he ryutotuhpa a châ hih. A ryu cha eima to thei nawpa ta, thie ei suh u,’ tah ei ta.

LUKA 9:35

Meihdo tawhta ao vaw pua ta, “He he ei Sawchapawpa, ei tlyhpa a châ; a bie nathlie teh u!” tah ta.

ZAWHÂNA 1:34

Cha cha hmô na ta, ano cha Khazohpa Sawchapawpa a châ tahpa a pahnotuhpa ei châ,” tah ta.

RAWMA 8:3

Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

KALATIA 4:4

Châhrasala a daihti â vaw ki nahta, Khazohpa ta chanô sapa a Sawchapawpa, ryhpa ry liata a pihpa cha za tuah ta.