LUKA 2:46 - Mara Bible RV (BSI)

⁴⁶ Noh thôh ama tlua khai tawhta, Achhyna o liata hmô ei ta, pachutuhpazy hry liata a tyuh ta, ama biezy nathliepa ta, âmo lâta hiahrinazy a vaw tao ngâpa hmô ei ta.

LUKA 2:46 ပူးပေါင်းရင်းမြစ်များ

1 ABEIZY 12:12

Zerôbaw nata zawpi zydua cha abei ta, “Noh thôhna noh ta a vy heih muh vy,” a tahpa hawhta, a noh thôhna noh ta Rehôbaw lâ a vy ei ta.

1 ABEIZY 12:5

Rehôbaw ta ama hnohta, “Noh thôh chhôh a di chy u la, cha khai tawhta kei lâ a vy heih muh vy,” tah ta. Chatanachata zawpizy cha sie ha ei ta.

ISAI 50:4

Bie hmâpa ta thachhâpazy thapatlôzie ei pahno thei nawpa ta, Abeipa Zehôvâh ta paleih asaomâna na pachu ta, My chareih ta na pahrapa ta, Paleih asaomâna na pachu awpa ta ei nah a pahra tyh.

MATHAI 12:40

Zawna ta nga laipa py chhôh liata noh thôh nata zâ thôh a ypa hawhta, Chyhsa Sawchapawpa chhao alei chhôh liata noh thôh nata zâ thôh a y aw.

MATHAI 16:21

Cha rakha tawhta cha Zisu ta a pachupazy hnohta Zerusale lâ a khy awpa nata machâzy, theihthai beizy nata ryhpa pachutuhpazy ta pasa thata ama pataosa awpa kyh nata, ama thie awpa nata noh thôh noh ta pathyupa ta a y awpa kyh zy reih pathao ta.

LUKA 2:47

A bie reipa a theipa maihta, a novâhzie nata â chhynazy vâta ama noâh kaw ta.

LUKA 5:17

Noh kha cha a pachu hai nota, cha liata Phârisaihzy nata ryhpa pachutuhpazy a tyuh hra ei ta. Âmo cha Kâlili nata Zudia khih to tawhta nata Zerusale tawhta a vypazy ama châ. Patlâh theina Abeipa hmotaotheina cha Zisu liata y ta.

ZAWHÂNA 3:10

Zisu ta a chhy ta, “Izarei pachutuhpa châ chi ta, chazy chhao cha pahno thai va chi ma?

HMOTAOPAZY 5:34

Châhrasala ryureituhpazy hry liata Phârisaih pakha, a moh Kâmalia ama tahpa, ryhpa pachutuhpa, chyhsa zydua ta ama zapa ta a kaw duah ta, lyuhchâpazy cha papua chy awpa ta biepie ta.

1 TIMAWTHY 1:7

Pahnopasia tlôh leipa ta bie reih ei ta, riahpha kawpa ta bie a duakheipa ta, ryhpa pachutuhpazy châ awpa ama khoh.