LUKA 2:41 - Mara Bible RV (BSI)

⁴¹ Kô chareih ta Zawpakhô kyhchhi daihti ta Zisu nô nata paw cha Zerusale lâta khy tyh ei ta.

LUKA 2:41 ပူးပေါင်းရင်းမြစ်များ

PUASAINA 12:11

Hetana heta nama nie aw: Nama chaisaih pa-ipa ta, pheiky a ky aw ei chi ta, chôchahrei a chhyna chôta, a para ngaitapa ta nama nie aw. Cha cha Abeipa zawpakhô a châ.

PUASAINA 12:14

“He noh he nâmo châta atheithlâhna noh châ aw ta, Abeipa châta kyhchhi noh ta nama chay tyh awpa a châ. Nama chhâ zydua liata, he noh he kyhchhi noh ta nama chay tyh awpa châ ta, cha cha chhâzaw châta bieraopa ta a y awpa a châ.

PUASAINA 34:23

Chapaw zydua kô kha ta ei thôh Abeipa Khazoh, Izarei Khazohpa hmiakô liata amâ lâ tyh awpa a châ.

THEIHTHAINA 23:5

Thla khana, noh hrawh hleipalihna noh zâlâ a zoh chy daihti cha Abeipa Zawpakhô kyhchhi a châ.

MALUHREINA 28:16

“Thla khana, noh hrawh hleipalihna noh cha Abeipa zawpakhô kyhchhi a châ.

LUKA 2:42

Zisu cha kô hrawh hleino a châ nahta, ama tao tyhpa hawhta Zerusale lâ khy heih ei ta.

ZAWHÂNA 11:55

Zuzy Zawpakhô Kyhchhi a hnia ha ta. Zawpakhô Kyhchhi hlâta a pathaisa awpa ta, khitaw chyhsa hluhpi Zerusale lâ khy ei ta.

ZAWHÂNA 13:1

Zawpakhô kyhchhi hlâta, Zisu ta he khizaw he puasaipa ta Paw lâ a sie daihti a tlô haw tahpa a pahno nahta, a chyhsa khizaw liata a ypa kyh a pachâ tyhpazy cha, a chhâna taihta ama kyh pachâ ta.

ZAWHÂNA 2:13

Zuzy Zawpakhô kyhchhi a hnia ha ta, Zisu cha Zerusale lâ khy ta.

ZAWHÂNA 6:4

Zuzy Zawpakhô kyhchhi cha a hnia ha ta.

RYHPACHANEINA 12:11

Hmohlâpa kyh liata nama hnohta ei biepiepa zydua, nama raopa hlânazy, namâ theihnazy, nama su hrawh su khazy, nama chalopa hlânazy nata Abeipa lâta bie namâ taihpa hmo phapazy cha, Abeipa nama Khazohpa ta a moh y nawpa ta â tlyh awpa su liata nama hlâ tyh aw.

RYHPACHANEINA 12:18

Nâmo nata nama sawchapawzy, nama sawchanôzy, nama seichapawzy, nama seichanôzy nata Livai chi nama khih liata a ypazy ta, Abeipa nama Khazohpa ta su a rao awpa liata nie aw ei chi ta, nama ku raihria theilâpa cha, Abeipa nama Khazohpa hmiakô liata thaphapa ta nama nie aw.

RYHPACHANEINA 16:16

“Chapaw zydua ta Abeipa nama Khazohpa ta â tlyh awpa su liata kô kha ta ei thôh a hmiakô liata namâ luah tyh awpa a châ. Viahchhâ thinô pahlao leipa kyhchhi liata zy, hâta kyhchhi liata zy, byureih kyhchhi liata zy, Abeipa hmiakô liata ku ruapa ta namâ luah awpa châ vei.

1 SAMUELA 1:21

Cha chyhsa Elkânâ cha, kô chareih ta atheihna hlâ tyhpa Abeipa lâ hlâ awpa nata a bietai patlô awpa ta, a chhôhkha zydua chhaota khy ta.

1 SAMUELA 1:3

Cha chyhsa cha Pheisaihzy Abeipa a chhy awpa nata atheihna hlâ awpa ta ano khih tawhta Silô khih lâ kô chareih ta sie tyh ta. Eli sawchapawpa pano Hôphani nata Phinehâ zy cha Silô khih liata Abeipa theihthaipazy châ ei ta.