LUKA 2:4 - Mara Bible RV (BSI)

⁴ Zawsi chhao Dâvi chhôhkha nata a pathla a châpa vâta, Kâlili râh Nâzari khih tawhta Bethlehe ama tahpa Zudia râh Dâvi khihpi lâ sie ta.

LUKA 2:4 ပူးပေါင်းရင်းမြစ်များ

ÂTHAONA 35:19

Râkheli cha thi ta, Epharâ lâpi liata ama pabu. Epharâ cha Bethlehe a châ.

ÂTHAONA 48:7

Keima kyh liata cha, Pâdâ tawhta ei vaw sie no kha, Râkheli cha lâpi liata Kâna râh liata na thisai ha ta. Epharâ khih tlô nawpa a hla kaw chy ta, chavâta Râkheli cha Epharâ lâpi liata ei pabu. Epharâ cha Bethlehe a châ,” tah ta.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

MATHAI 1:20

Châhrasala he hmo he a pachâ hai nota, Abeipa vâlyuhchâpa cha a hnohta a mâ lâta a vaw luah ta, “Dâvi sawchapawpa Zawsi y, Mâri na lapinô ta hnei awpa chi khah y. A saw phaopa kha Thlahpa Pathaihpa ta a paphaosapa a châ.

MATHAI 2:23

Khihpi miakha, Nâzari ama tahpa lâ sie ta, cha liata kei pahrâ ta. Cha hmo cha, “Ano cha Nâzari chyhsa ama tah aw,” tahpa ta hrohsopazy pakah ta ama reipa kha a vaw tlô thei nawpa ta a châ.

LUKA 2:3

Chyhsa to ama moh parosa awpa ta ama khih lâ sie chyu ei ta.

LUKA 2:5

Moh parosa awpa ta, lapinô châta â pahawhpa Mâri, saw pih daihmâpa nata sie ei ta.

LUKA 4:16

Zisu cha a laiseihna Nâzari khih tlô ta. A tao tyhpa hawhta, Pahânoh ta pakhyna o liata a ngia ta, Khazohpa bie reih awpa ta a duah ta.

ZAWHÂNA 1:46

Nâthaniah ta a hnohta, “Nâzari khih tawhta hmo phapa a pua thei aw ma?” tah ta. Phili ta a hnohta, “A vy la, vaw moh teh,” tah ta.

ZAWHÂNA 7:42

Mesia cha Dâvi pathla hry tawhta, Dâvi yna khih Bethlehe tawhta a vaw pua awpa a châ, tahpa ta Biehrai ta reih vei ma?” tah ei ta.

RUTHI 1:19

Bethlehe ama tlô hlâlei cha ama pano ta sie lymâ ei ta. Bethlehe ama tlô nahta, âmo vâta a khihpi ta a chia ei ta, chanôzy ta, “He he Naomi kha châ vei ma?” tah ei ta.

RUTHI 2:4

Bôaza cha Bethlehe tawhta vaw tlô ta, sâh hriatuhpazy hnohta, “Abeipa nama hnohta y mawh sy!” tah ta. Âmo ta, “Abeipa ta byhnâ cha pie mawh sy,” tahpa ta a chhy ei ta.

RUTHI 4:11

Khihpi hawka liata zawpi zydua nata machâzy ta, “Pahnokheituhpazy eima châ. Na o liata chanô a vaw ngiapa cha, Izarei phopi hmaohkha ta a paduapa Râkheli nata Liah hawhna khata Abeipa ta tao mawh sy. Ephrâthâ liata na nohâh y sala, Bethlehe liata na moh pathâh mawh sy.

RUTHI 4:17

Ama opa chanôzy ta a moh bipa ei ta, “Naomi châta sawchapaw a vaw pih haw,” tah ei ta, a moh Ôbedâ ama bi. Ôbedâ cha Zese paw châ ta, Zese cha Dâvi paw a châ.

1 SAMUELA 16:1

Abeipa ta Samuela hnohta, “Sawla cha Izarei chô liata bei châta ei khoh khao leipa châ ta, ano vâta khachâ ma pachârôhpa ta na y aw? Na saki ôh liata sathaw pabie la, sie teh. Bethlehe khihpa Zese lâta ei cha tuah aw. A sawchapawzy hry liata pakha keima châta bei ta ei rao haw,” tah ta.

1 SAMUELA 16:4

Samuela cha Abeipa reipa hawhta tao ta, Bethlehe lâ cha sie ta. Khihpi machâzy ta a chalyuna chôta ano cha vaw dy ei ta, “Thlalôhna bie a vaw phaohpa na châ ma?” tah ei ta.

1 SAMUELA 17:12

Dâvi cha Zese sawchapawpa châ ta, Zese cha Zudâh râh Bethlehe liata Ephrâthâ chyhsa kha a châ. Zese cha sawchapaw pacharie hnei ta, Sawla â bei daihti liata cha, pawpipa kô uhthei kawpa châ ha ta.

1 SAMUELA 17:58

Sawla ta a hnohta, “Satliapa, ahy sawchapawpa ma na châ tly?” tah ta. Dâvi ta a chhy ta, “Bethlehe khihpa, châ chakaotuhpa Zese sawchapawpa na ei châ,” tah ta.

1 SAMUELA 20:6

Na paw ta ei y leipa a pahno khiahta cha, a hnohta, ‘Davi cha a khih Bethlehe lâ sie awpa ta eina hiah, cha liata ama chhôhkha zydua châta kô chareih ta atheihna hlâ tyhpa tao awpa a châpa vâta,’ na tah aw.