LUKA 2:39 - Mara Bible RV (BSI)

³⁹ Abeipa ryhpa bie hawhta hmo to zydua ama tao khai tawhta, Kâlili râh liata ama khih Nâzari lâ a lie ei ta.

LUKA 2:39 ပူးပေါင်းရင်းမြစ်များ

MATHAI 3:15

Zisu ta a chhy ta, “Â ryh tah thlâh ha teh. Siana zydua pakipa cha eima châta a ngiahpa a châ,” tah ta. Chatanachata paryhsa ha ta.

LUKA 1:26

A thla charuna liata, Khazohpa ta vâlyuhchâpa Kabriel cha Kâlili râh liata khihpi miakha, Nâzari ama tahpa liata a ypa,

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

LUKA 2:4

Zawsi chhao Dâvi chhôhkha nata a pathla a châpa vâta, Kâlili râh Nâzari khih tawhta Bethlehe ama tahpa Zudia râh Dâvi khihpi lâ sie ta.

LUKA 2:51

A nôpawzy hnohta zu ta, Nâzari khih cha tlô ta, a nôpawzy bie zyhpa ta y ta. A nô ta hmo zydua cha a palôh ta a vao thlâh ha ta.

LUKA 4:16

Zisu cha a laiseihna Nâzari khih tlô ta. A tao tyhpa hawhta, Pahânoh ta pakhyna o liata a ngia ta, Khazohpa bie reih awpa ta a duah ta.

LUKA 4:23

Ano ta ama hnohta, “Nâmo ta la, ‘Dawhty y, nâmasasyh ta a patlâh teh,’ tahpa bieso na rei thlupa ta, ‘Kâpynia liata na taopa eima theipa kha, na khih liata chhao tao hra mah y,’ nama tah thlyu aw,” tah ta.

RYHPACHANEINA 12:32

Bie ei cha piepa zydua ei he pakhâta ta nama tao awpa a châ. Nama baichha awpa châ leipa ta, nama thy bâ awpa châ hra vei.