LUKA 2:37 - Mara Bible RV (BSI)

³⁷ nôhmei châpa ta kô sycharie nata kô palih chhôh a ypa a châ. Achhyna o puasai leipa ta, chhô nah zâ ta kâhvileipa ta thlahchhâpa ta Khazohpa â chhy tyh.

LUKA 2:37 ပူးပေါင်းရင်းမြစ်များ

HLAZY 22:2

Hy ei Khazohpa, nohchhô ta awh na ta, Châhrasala nâ chhy va chi; Zâ ta chhao awh na ta, Apahâna hmô va na.

HLAZY 23:6

Ei hro chhôh noh zydua ta, Phana nata zawngiahna ta eina zi lymâ tlai aw; Chatanachata Abeipa o liata tlyzaw ta ei pahrâ thlâh ha aw.

HLAZY 27:4

Abeipa liata hmo miakha hiah na ta, Cha hmo cha khâ ei tlua aw; Cha cha ei hro chhôh noh zydua liata Abeipa o liata pahrâ ta, Abeipa angianazie sai ta, Achhyna o liata thlahchhâ awpa a châ.

HLAZY 84:10

Na dôhpachhôh tlyhmia liata noh kha ypa cha, Su hropa liata noh sâh kha ypa hlâta a pha via. Moleipa poh o liata pahrâpa hlâta cha, Ei Khazohpa o chhikao vaituhpa châ awpa ei khoh via.

HLAZY 84:4

Na o liata a pahrâpazy cha ama nohlao na, Chhâzaw ta ama cha reithai aw. Selah

HLAZY 92:13

Âmo cha Abeipa o liata lopazy châ ei ta, Eima Khazohpa o dôhpachhôh tlyhmia liata lochopa ta ama y.

PUASAINA 38:8

Ahmaohna poh o chhikao liata chakaotuhpa chanôzy thlalâ hmâpa ta rahô nata a patyuna dawh ta tao ta.

LUKA 5:33

Âmo ta Zisu hnohta, “Zawhâna pachupazy cha kâhvileipa ta y tyh ei ta, thlah ama chhâ tyh. Phârisaih pachuna a zyhpazy chhao, cha hawhta ama tao tyh hra. Na pachupazy deikua cha nie ei ta ama doh lymâ,” tah ei ta.

HMOTAOPAZY 13:3

Kâhvileipa ta thlah ama chhâ khai nahta, Bânabâ nata Sawla chô liata ama ku pahnieh ei ta, pasiesa ha ei ta.

HMOTAOPAZY 14:23

Awnanopa hlao to liata machâzy raopa ei ta, kâhvileipa ta thlahchhâpa ta, amâ ngiapâpa Abeipa liata ama pavaosa lymâ.

HMOTAOPAZY 26:7

Cha bietai cha eima chi hrawh hleinozy ta hmô awpa hnabeiseihpa ta, chhô nah zâ ta phahnai khoh ngaitapa ta Khazohpa ama chakao tyh. Hy abei y, cha hnabeiseihna kyh vâna chata Zuzy ta eina leih ei.

1 TIMAWTHY 5:5

Nôhmei hmeiseihpa, ano dei ta a ypa cha, Khazohpa chô liata hnabeiseihna a sohpa châ ta, chhô nah zâ ta hiapa nata thlahchhâpa ta a y tyh.

BIEPHUAH 3:12

Pahnietuhpa cha ei Khazohpa Achhyna o liata otôh ta tao aw na ta, cha su tawhta pua khao aw vei. Ano liata ei Khazohpa moh nata ei Khazohpa khihpi, Zerusale thiehpa moh roh aw na ta, cha cha ei Khazohpa tawhta a za chôpa moh châ aw ta, vârâh tawhta a za chô awpa moh a châ. Cha cha ei moh thiehpa a châ aw.

BIEPHUAH 7:15

“Chavâta âmo cha, Khazohpa beidyuchhai hmiakô liata y ei ta, Chhô nah zâ ta ano Achhyna o liata ama chakao tyh; Beidyuchhai liata a tyuh aw ei ta, A ypâna ta a khu aw ei.

1 SAMUELA 2:2

“Abeipa hawhta pathaihpa y veih ei: Nâ leipa ta mohropa y leipa ei ta, Eima Khazohpa hawhpa lôpanô y veih ei.