LUKA 2:23 - Mara Bible RV (BSI)

²³ He he Abeipa ryhpa bie liata, “Chapaw saw chhi a pahy tuapa maih cha, Abeipa châta pathaihpa bipa a châ aw,” tahpa ta ropa hawhta tao ei ta,

LUKA 2:23 ပူးပေါင်းရင်းမြစ်များ

PUASAINA 13:2

“Sawtuapa zydua kei châta na panano awpa a châ. Izarei sawzy hry liata chhi a pahy tuapa sawchapaw uhtheipa nata sahroh chapawpa a pataw tua chaipa maih kei eih a châ,” tah ta.

PUASAINA 22:29

“Na kôvei tawhta nata na kresawhti saohpazy tawhta hlâ awpazy na pahawhpasâh awpa châ vei. Na sawchapawzy hry liata a pih tua chaipa cha, kei eina pie aw chi.

PUASAINA 34:19

Chhi a pahy tua chaipa maih keima eih a châ. Na sahroh a pataw tuapa a chapawpa zydua, viahchao chhao, mietaku chhao, kei eih a châ khai.

MALUHREINA 18:15

Chhi a pahypa, chyhsapa chhao, sahroh chhao, Abeipa lâta ama hlâpa maih nâ eih a châ aw. Chyhsapa sawchapaw uhtheipa deikua chatlai aw chi ta, sahroh pathaih leipa a pataw tua chaipa chhao na chatlai aw.

MALUHREINA 3:13

Sawchapaw uhtheipa zydua cha kei eih ama châ. Izi râh liata sawchapaw uhtheipa zydua ei thie khai nona khata, Izarei sawzy hry liata sawchapaw uhtheipazy deikua cha, chyhsapa chhao sahroh chhao, ei châta ei pathaisa ei. Chavâta kei eih ama châ aw. Kei he Abeipa ei châ,” tah ta.