LUKA 2:21 - Mara Bible RV (BSI)

²¹ Noh charie vaw tloh ta, hawsaih cha chopawtaipa a châ khai nahta, a moh Zisu bi ei ta. Cha moh cha chhi liata nawh â choh hlâta, vâlyuhchâpa ta moh a vaw bi chhielie hapa kha a châ.

LUKA 2:21 ပူးပေါင်းရင်းမြစ်များ

ÂTHAONA 17:12

Chhâ vaw y lymâ awpa zydua liata, nama hry liata chapaw maih, na o liata a pihpa nata na pathla a châ hlei leipa chihropa tawhta sôh ta na chaleipazy chhao, noh charie uhtheipa ama châ nahta chopaw tai khai awpa a châ.

THEIHTHAINA 12:3

A noh chariena noh ta, hawtipa cha a chopaw vo tai awpa a châ.

MATHAI 1:21

Sawchapaw sa aw ta, a chyhsazy ama moleinazy tawhta a pachha awpa vâta, a moh Zisu na bi aw,” tah ta.

MATHAI 1:25

Châhrasala Mâri ta sawchapaw a sa hlâ via cha a zialâh vei. Zawsi ta a sawchapawpa moh cha Zisu a bi.

MATHAI 3:15

Zisu ta a chhy ta, “Â ryh tah thlâh ha teh. Siana zydua pakipa cha eima châta a ngiahpa a châ,” tah ta. Chatanachata paryhsa ha ta.

LUKA 1:31

Pachâ teh, na chhi liata nawh a choh aw ta, sawchapaw sa aw chi ta, a moh ta Zisu na bi aw.

LUKA 1:59

A noh chariena noh ta hawsaih chopawtai awpa ta a vy ei ta, a paw moh zipa ta a moh Zekaria bi a chhuah ei ta.

PHILIPI 2:8

Chyhsapa hawhta vaw y ta, anosasyh ta a panawh ta, thina taihta reingiahpa ta y ta, kraws liata thina tlai cha.