LUKA 2:11 - Mara Bible RV (BSI)

¹¹ Tanoh he Dâvi khihpi liata nama châta Pachhatuhpa a pih haw, Beipa Krista cha!

LUKA 2:11 ပူးပေါင်းရင်းမြစ်များ

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

HLAZY 2:2

Lei beizy amâ duana su liata a duah ei ta, Ryureituhpazy a hmaohpakhypa ta, Abeipa a dyuh awpa ta ryhrao khoh ei ta, A sathawthupa a dyuh awpa ta amâ paraoh.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

MATHAI 1:16

Zakaw cha Zawsi paw a châ. Zawsi cha Mâri vahpa châ ta, Mâri cha Mesia ama bipa Zisu nô a châ.

MATHAI 1:21

Sawchapaw sa aw ta, a chyhsazy ama moleinazy tawhta a pachha awpa vâta, a moh Zisu na bi aw,” tah ta.

MATHAI 16:16

Saimaw Pity ta, “Mesia, Khazohpa hrohpa Sawchapawpa na châ,” tahpa ta a chhy ta.

MATHAI 16:20

Zisu ta Mesia a châ tahpa cha ahy hmah chho lei awpa ta pachupazy cha â ipa ta zikyu a râ ta.

LUKA 1:43

He nohlaona he kheihtazieta a topa ma ei châ tly, ei Beipa nô ta eina vaw tly thlâh hapa chi he?

LUKA 1:69

A chakaotuhpa Dâvi pathla hry tawhta, Pachhana ki miah a chaluahpa haw.

LUKA 2:26

Abeipa bietaipa Krista a hmô hlâta cha thina a hmô lei awpa kyh Thlahpa Pathaihpa ta vaw pahnosa ha ta.

LUKA 2:4

Zawsi chhao Dâvi chhôhkha nata a pathla a châpa vâta, Kâlili râh Nâzari khih tawhta Bethlehe ama tahpa Zudia râh Dâvi khihpi lâ sie ta.

ZAWHÂNA 1:41

Adaru cha a hmiatua chai ta a unawhpa Saimaw kei tlua ta, a hmô nahta, a hnohta, “Mesia eima hmô haw,” tah ta. Mesia cha Krista tahna a châ.

ZAWHÂNA 1:45

Phili ta Nâthaniah a hmô nahta, a hnohta, “Ryhpa châbu liata Mawsi ta a thâtih a ropa nata hrohsopazy ta ama ropa kha eima hmô haw. Ano cha Zawsi sawchapawpa Nâzari Zisu a châ,” tah ta.

ZAWHÂNA 11:27

Marthâ ta, “Abeipa, ei ngiapâ na. Mesia, Khazohpa Sawchapawpa, khizaw lâ a vy awpa cha na châ tahpa ei ngiapâ,” tah ta.

ZAWHÂNA 20:31

Zisu cha Mesia, Khazohpa Sawchapawpa châ ta, ngiapâna vâta ano moh ta hrona nama hnei thei nawpa ta, he châbu he ropa a châ.

ZAWHÂNA 4:25

Chanô ta a hnohta, “Krista ama tahpa Mesia cha, â vy aw tahpa ei pahno. Â vy tita, hmo to zydua miah a chho aw,” tah ta.

ZAWHÂNA 4:42

Âmo ta chanô hnohta, “Tahmâ la na bie reipa vâta a ngiapâpa châ khao ma pi. Keimo tlai ta a bie thei pi ta, he he khizaw Pachhatuhpa a châ tlai na tahpa eima pahno haw,” tah ei ta.

ZAWHÂNA 6:69

keimo chhao ta châ ngiapâ pi ta, Khazohpa Mopathaihpa na châ tahpa eima pahno haw,” tah ta.

ZAWHÂNA 7:41

Ahropazy ta, “He he Mesia a châ,” tah ei ta. Thokha hropazy deikua ta, “Mesia cha ma Kâlili râh tawhta a vaw pua aw tly?

HMOTAOPAZY 10:36

Khazohpa ta Izarei sawzy hnohta bie vaw tlôkhei ta, Zisu Krista hmâpa ta thlalôhna thâtihpha cha ama hnohta vaw tlôkhei tlai ta, châhrasala Zisu cha ato zydua Beipa a châ.

HMOTAOPAZY 13:23

Khazohpa ta a bietai hawhta, Dâvi chipathla Zisu cha Izarei pachhatuhpa châta padua ta.

HMOTAOPAZY 17:3

Mesia cha riethei a tao awpa a châna nata athihpa hry tawhta a thyu heih awpa kyhzy chhopasiapa ta, pahmô pasiasa tyh ta, “He Zisu, a thâtih ei cha chhopa ei he, Mesia cha a châ,” tah ta.

HMOTAOPAZY 2:36

Chavâta Zisu nama khaipâpa tlai kha, Khazohpa ta Abeipa nata Mesia ta a taopa a châ tahpa cha, Izarei phopi zydua ta pahno tlai mawh ei sy,” tah ta.

HMOTAOPAZY 5:31

Izarei parosa ta, moleinazy a ngiahthai awpa ta, Khazohpa ta ano cha a chachâh lâta patyusa ta, Hyutuhpa nata Pachhatuhpa ta y awpa ta a cheihchalo haw.

1 KAWRINI 15:47

Âdâh hmiatuapa cha alei tawhtapa châ ta, dohlei ta taopa a châ. Âdâh panona deikua cha vârâh tawhtapa a châ.

PHILIPI 2:11

Paw Khazohpa rônah nawpa ta, paleih to ta Zisu Krista cha Abeipa a châ tahpa ama phuah aw.

PHILIPI 3:8

Cha dei châ vei, ei Beipa Zisu Krista pahnopa cha hmo hropa zydua hlâta sôh via ta, chavâta hmo to kyna ta ei rao khai. Krista cha ei thôhkhei thei nawpa ta, ano vâta hmo to ky na ta, hmo hropa zydua cha hnaihny hawh dei ta ei rao.

KAOLAOSÂ 2:6

Chavâta Krista Zisu Abeipa namâ pyh ha tawhta cha, ano liata y u la,

1 ZAWHÂNA 4:14

Chatanachata Paw ta a Sawchapawpa cha khizaw Pachhatuhpa châ awpa ta a vaw tuah tahpa hmô pi ta, eimâ duakhei.

1 ZAWHÂNA 5:1

Ahy rai Zisu cha Krista a châ tahpa a ngiapâpa maih cha Khazohpa sapa châ ta, ahy rai a satuhpa kyh a pachâpa cha a sapa chhao kyh a pachâ.