LUKA 19:7 - Mara Bible RV (BSI)

⁷ Cha cha ama hmô nahta, ama zydua ta reipasipasua ei ta, “Chyhsa moleipa o liata tlô awpa ta â ngia huh,” tah ei ta.

LUKA 19:7 ပူးပေါင်းရင်းမြစ်များ

MATHAI 20:11

Ama hria hlao ama dao nahta, lyu hneituhpa cha paphôh thlu ei ta,

MATHAI 20:4

ama hnohta, ‘Nâmo chhao kre sadô lâ sie hra teh u, â phuhpa ta hria hlao ei cha pie aw ei,’ tah ta.

MATHAI 9:11

Phârisaihzy ta cha cha ama hmô nahta, a pachupazy hnohta, “Khazia nama pachutuhpa heta chhiekheituhpazy nata moleipazy pati a dôh lâh thlâh ha ei?” tah ei ta.

LUKA 15:2

Phârisaihzy nata ryhpa pachutuhpazy ta, “He chyhsa heta moleipazy a pahlao ta, ama hnohta pati a nie tyh,” tahpa ta paphôh ei ta.

LUKA 19:6

Zakia cha za chô para ta, thapha ngaitapa ta Zisu cha a o liata patlôsa ta.

LUKA 19:8

Zakia cha a duah ta, Abeipa hnohta, “Abeipa, moh tua, ei sôh khophie dyhchhiepazy hnohta pie aw na ta, chyhsa hmo kheihawhpa rai â doleipa ta ei lapa a y khiahta cha, a lie palih ta ei thô aw,” tah ta.

LUKA 5:30

Phârisaihzy nata ama ryhpa pachutuhpazy ta a pachupazy hnohta paphôh ei ta, “Kheihtazie ta chhiekheituhpazy nata moleipazy hnohta nie ta a doh thlâh ha tly?” tah ei ta.

LUKA 7:34

Chyhsa Sawchapawpa a vy ta, niepa ta doh ta, ‘Moh tua u, rihkawhpa nata kresawhti parâpa, chhiekheituhpazy nata moleipazy viasa huh!’ nama tah heih.

LUKA 7:39

Cha hmo cha Zisu pati nie a hruatuhpa Phârisaih ta a hmô nahta, a palôh liata, “He chyhsa he hrohsopa a châ tlai khiahta cha, a hriatuhpa chanô he ahy ma a châ tahpa nata kheihawhpa chyhsa ma a châ tahpa a pahno thlyu awpa châ ta, ano he chanô moleipa châ tlôh ta,” tah ta.