LUKA 19:44 - Mara Bible RV (BSI)

⁴⁴ Nâ nata na chhôh liata a ypa na sawzy alei liata ama cha taikhy aw. Chariahpazy vaw tlô nawpa noh na pahno leipa vâta, nâma liata alô â pachopa rai miakha hmah y khao leina taihta ama cha parao aw,” tah ta.

LUKA 19:44 ပူးပေါင်းရင်းမြစ်များ

HLAZY 137:9

Na hawtizy cha chhu ta, Lôpanô liata a taikhytuhpazy chhao, Vânoh topa ta ama y aw.

ISAI 10:3

Lâhlapi tawhta chhiena vaw tlôna noh, Hriena noh liata khâpa ma nama tao aw? Baona hia awpa ta ahy lâ namâ râ aw? Khataih liata ma nama sôh nata thih nama siesai aw?

ISAI 29:3

Khihpi padôpa ta riehmozy cha paryh thlu aw na ta, Thokhy a sâhpazy ta cha dôhkhâh aw na ta, Dôhna diahsuazy ei cha chhôh khâh aw.

ZEREMIAH 11:23

Pakha hmah pahlôhpa châ aw veih ei. Anathô mo hrie nawpa kô vaw tlô aw ta, ama chô liata chhiena ei patlôsa aw.”

CHAPHÔHTUNA 1:8

Zerusale cha thata molei ta, Chavâta a pualei haw; A thluahruana ama hmô hapa vâta, A za kaw tyhpazy chhao ta ama mohnao bâ; Ano chhao ta a hrô ta, Hiakha lâ tlâ â heih bâ.

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

DÂNIAH 9:26

Hâta ei sycharu nata ei no khai tawhta Mesia cha chhawh pathlahpa châ aw ta, khâpa hmah hnei khao aw vei. Abei a vy awpa chyhsazy ta khihpi nata su pathaihpa cha ama parao aw. A chhâ nawpa cha tisaih chhao ta vaw tlô aw ta, a chhâna taihta adyuhna a y aw. Roryhranazy cha vaw tlô awpa ta rao chhielie hapa a châ.

MIKÂ 3:12

Chavâta nâma vâta, Zaio cha leipalie hawhta paliepa châ aw ta; Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw.

MATHAI 24:2

Âmo cha a chhy ta, “He zydua he nama hmô ma? Hmeiseihta ta ei cha chho ei, he liata alô pachopazy he lô kha hmah pahlôh leipa ta pacho pathlah khaipa a châ aw,” tah ta.

MÂKA 13:2

Zisu ta a hnohta, “He o rônahpazy he na hmô bao ma cha? Alô pachopazy he parao leipa ta miakha hmahta y aw vei,” tah ta.

LUKA 1:68

“Abeipa Izarei Khazohpa cha, Reithaipa ta y mawh sy! A chyhsazy za tly ta, A pachha haw.

LUKA 1:78

Eima Khazohpa zawngiahna vâta, Chô lâ tawhta noh chhipa ta miah a za tly aw;

LUKA 19:42

“Aw, nâma ta, nâma tlai ta, na thlalôhna châta hmotaopazy he tanoh pahno thai mawh la ei tah kaw dia! Châhrasala tahmâ la na mohmô tawhta nyupa a châ haw.

LUKA 21:6

“He alô â pachopa nama hmôpazy he, a zydua ta parao khaipa ta a y nawpa nohzy a vaw tlô aw,” tah ta.

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.