LUKA 19:38 - Mara Bible RV (BSI)

³⁸ “Abeipa moh ta Bei a vypa cha reithaipa ta y mawh sy! Vârâh liata thlalôhna charei sala, chônôchaipa liana khita rônahna y mawh sy!” tah ei ta.

LUKA 19:38 ပူးပေါင်းရင်းမြစ်များ

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

MATHAI 2:2

“Zuzy bei a pihpa cha khataih liata a y? Nochhi lâta ano awhsi hmô pi ta, ano a naoh awpa ta eimâ vy,” tah ei ta.

MATHAI 21:9

A hmia lâta a siepa nata a hnôh lâta a pazipa zawpizy ta, “Dâvi Sawchapawpa hnohta Haozanâ! Abeipa moh ta a vypa cha reithaipa ta y mawh sy! Chônôchaipa liata Haozanâ y mawh sy!” tahpa ta awh ei ta.

MATHAI 25:34

Abeipa ta a chachâh lâta a ypazy hnohta, ‘Ei Paw ta byhnâ a piepazy saih u, a vy u la, khizaw tao tua no tawhta khinarâh a chhuahdypa cha to teh u.

MATHAI 25:40

Abeipa ta âmo cha a chhy aw ta, ama hnohta, ‘Hmeiseihta ta ei cha chho ei, he ei unawhpa chyh chaipazy hry liata pakha chô liata nama taopa cha, ei chô liata a taopa nama châ,’ a tah aw ei.

LUKA 13:35

Moh tua u, nama o cha aruapa ta siesaipa a châ ha hih. Ei cha chho ei, ‘Abeipa moh ta a vypa cha reithaipa ta y mawh sy!’ nama tah hlâlei cha na hmô khao aw veih ei chi,” tah ta.

RAWMA 5:1

Chavâta ngiapâna vâta thai eima châ ha tawhta cha, eima Beipa Zisu Krista zawhzi ta Khazohpa nata a ryhpa ta eima y haw.

EPHESI 1:12

Chatanachata keimo, Krista liata hnabeiseihna a hnei tuapazy pi he a rônahna reithaina eima châ thei aw.

EPHESI 1:6

A ngiachhiena rônahzie reithai awpa ta, saw châna cha a Kyhpachâpa liata a saipa ta miah a pie.

EPHESI 3:10

Chatanachata Khazohpa sona hnei hluhzie cha, avâ suzy liata ryureihtuhpazy nata biehneituhpazy hnohta, Awnanopa hmâpa ta pahnosapa ta a y thei aw.

EPHESI 3:21

Awnanopa liata nata Krista Zisu liata rônahna cha, chhâ zydua hnohta chhâzaw nata tlyzaw ta y mawh sy. Amen.

KAOLAOSÂ 1:20

a kraws thisaih ta aryhna taopa ta, ato, alei chô liata a ypa nata avâ liata a ypa zydua ano nata a ryhpa ta a tao.

1 TIMAWTHY 1:17

Chhâzaw Beipa, thi thei leipa, hmô thei leipa nata Khazohpa a y chhôhpa hnohta chhâzaw nata tlyzaw ta palyupalihna nata rônahna y mawh sy. Amen.

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.