LUKA 19:21 - Mara Bible RV (BSI)

²¹ Chyhsa chakhiehcharieh kawpa châ chi ta, na sokhâh leipa chhao la tyh chi ta, na tu leipa chhao a hria tyhpa na châpa vâta, cha chi na ta, he hawhta a taopa ei châ,’ tah ta.

LUKA 19:21 ပူးပေါင်းရင်းမြစ်များ

LUKA 19:20

Ahropa a vy ta, ‘Ei zibeipa, moh tua, na minâzy kha ahruna poh ta pahly na ta, a phapa ta ei cha pasopa hih.

LUKA 19:22

Zibeipa ta a hnohta, ‘Chakaotuhpa moleipa, na pakah tawhta bie a puapa tlai ta thailei ei cha pachâsa aw! Chyhsa chakhiehcharieh kawpa châ na ta, ei sokhâh leipa chhao la tyh na ta, ei tu leipa chhao a hria tyhpa ei châpa cha na pahno naw?

RAWMA 8:15

Chipa ta y heih awpa ta seichâna thlahpa nama topa châ leipa ta, saw châna Thlahpa tlao to ei chi ta, cha Thlahpa vâna chata “Âbâ! Ei paw!” tahpa ta eima aw theipa a châ.

RAWMA 8:7

Sapa hmo pachâna cha, Khazohpa ryhpa ry liata a y leipa vâta, Khazohpa a dyuhpa a châ. Hmeiseihta ta, sapa hmo a pachâpa châta cha, Khazohpa ryhpa ry liata y hmeiseih thei awpa châ vei.

2 TIMAWTHY 1:7

Khazohpa ta china thlahpa miah pie leipa ta, hmotaotheina nata kyhpachâna nata pachâna pasohpa hneina thlahpa tlao miah a pie.

ZÂMIE 2:10

Ahy rai ryhpa zydua zyh paki hra sala, kyh kha a parao khiahta cha, a zydua liata thaileipa a châ.

1 ZAWHÂNA 4:18

Kyhpachâna liata la china rai y vei. Kyhpachâna pakipa ta china a papai tyh. Hriena a ypa vâta china y ta, china a hnei thlâh chypazy cha, kyhpachâna liata pakipa ta y mâh veih ei.

ZUDÂH 1:15

Chyhsa zydua pachia aw ta, Khazohpa a uasa leipazy cha, Khazohpa kho leipa hmo ama taopa zydua vâta thailei a pachâsa aw ei. Khazohpa uasa leipa ta, Khazohpa chô liata bie pachyupa a reihpazy chhao thailei a pachâsa aw ei,” tahpa ta a vaw chhochhielie.

1 SAMUELA 12:20

Samuela ta ama hnohta, “Chi khah u, he hmo pha lei ngaitapa he tao tlai ei chi ta, châhrasala Abeipa nama zipa cha tleisai leipa u la, nama pathipalôh tlokhuh ta Abeipa cha chakao muh vy.