LUKA 19:17 - Mara Bible RV (BSI)

¹⁷ Abei ta a hnohta, ‘Chakaotuhpa phapa, na tao pha na! A chyhta chô liata ngâ nâ chhihpa vâta, khih hrawh chô liata hyutuhpa ta na y aw,’ tah ta.

LUKA 19:17 ပူးပေါင်းရင်းမြစ်များ

ÂTHAONA 39:4

Zawsi cha a zibeipa modypa ta ypa ta, a zibeipa cha chakao lymâ ta. Pawtipha ta Zawsi cha a o liata hyutuhpa ta tao ta, a hneipa zydua chô liata biehneituhpa ta soh ta.

BIESOZY 27:18

Theiku kô a mohôhpa ta a thei nie aw ta, A zibeipa a chakaopa chhao palyupalihpa a châ aw.

MATHAI 25:21

A zibeipa ta a hnohta, ‘Chakaotuhpa phapa nata ngâchhihpa, na tao pha na. Hmo chyhta chô liata ngâchhih chi ta, a hluhpi chô liata ei cha paysa aw. Na zibeipa alyna liata a ngia teh,’ tah ta.

LUKA 16:10

“A chyhta chô liata ngâchhihpa cha, a hluhpi chô liata chhao ngâ â chhih tyh. A chyhta chô liata ngâchhih leipa cha, a hluhpi chô liata ngâchhih hra aw vei.

LUKA 19:16

A vy tua chaipa ta, ‘Ei zibeipa, na minâzy khata minâ hropa tlaw hrawh a papôhsa,’ tah ta.

LUKA 19:18

A panona a vy ta, ‘Ei zibeipa, na minâ khata minâ hropa tlaw pangawh a papôh,’ tah ta.

LUKA 22:30

Chatanachata ei khinarâh liata ei tlâhkhai liata niepa ta doh hra aw ei chi ta, beidyuchhai liata a tyuhpa ta Izarei pho hrawh hleinozy chô liata ryu nama reih aw.

RAWMA 2:29

Zu châna cha chyhsa chhôh liata y ta, chopawtaina cha palôh liata a y, châbie ta chopawtaipa châ leipa ta, Thlahpa ta taipa tlao a châ. Cha hawhpa chyhsa cha, chyhsapa reithaina hlao leipa ta, Khazohpa reithaina a hlao tyh.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

2 TIMAWTHY 2:10

Chavâta atlyhpazy ta Krista Zisu liata a ypa pachhana cha, chhâzaw rônahna chhaota ama hmô thei nawpa ta, âmo châta ato pasa ei tao lylia.

1 PITY 1:7

Chatanachata pasiapa ta a ypa namâ ngiapâna cha, mei ta pasiapa ngôh hlâta sôh viapa ngiapâna hmeiseihpa a châzie a lâ aw ta, Zisu Krista â vaw luah tita reithaina nata palyupalihna nata rônahna zy nama to aw.

1 PITY 5:4

Chatanachata Mietaku Vaituhpa Beichaipa â vaw luah tita, rônahna beilakho rao thei leipa nama hmô aw.

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.