LUKA 19:10 - Mara Bible RV (BSI)

¹⁰ Leidiapazy tlua ta pachha awpa ta, Chyhsa Sawchapawpa he â zupa rai a châ,” tah ta.

LUKA 19:10 ပူးပေါင်းရင်းမြစ်များ

EZEKIA 34:12

Mietaku vaituhpa ta a mietaku zaw a vai nota mietaku a paipatlapazy a tluapa hawhta, ei mietakuzy cha tlua aw ei na ta, vâ panohna nata zohmyhna noh liata, ama paipatlana su zydua tawhta ei pachha aw ei.

EZEKIA 34:16

Mietaku a leipa tlua aw na ta, a viavipa a vaw chhi pakhuapa ta, hmaphaohpa chahrypa aw na ta, chiehleipa tha ei patlô aw. Athawhpa nata thatlôpazy chhao ei mohôh aw ei. Mietakuzy cha â khopa ta ei pasa aw ei.

MATHAI 1:21

Sawchapaw sa aw ta, a chyhsazy ama moleinazy tawhta a pachha awpa vâta, a moh Zisu na bi aw,” tah ta.

MATHAI 10:6

Izarei phopi mietaku a leipazy lâta tlao sie teh u.

MATHAI 15:24

Zisu ta, “Izarei phopi mietaku aleipazy hnoh dei ta tuapa ei châ,” tah ta.

MATHAI 18:10

“He hawtitazy hry liata pakha chhao mopakhô lei awpa ta a sohsi teh u. Vârâh liata ama vâlyuhchâpazy ta ei Paw vârâh liata a ypa hmia khâ ama sai tyh tahpa ei cha chho ei.

MATHAI 18:11

Chyhsa Sawchapawpa cha leidiapazy pachha awpa ta a zupa a châ.

LUKA 15:32

Kyhchhi tao ta thapha ngaitapa ta y awpa cha â phuhpa rai a châ. He na nawhta he cha thi ha ta, a vaw hroh ha heih hih. Lei ha ta, eima hmô ha heih hih,’ a tah aw,” tah ta.

LUKA 15:8

“Cha leipa chhao ta, ahy chanô ma tâkâ tlaw hrawh hnei ta, tlaw kha pahlei ha sala, meiôh raopa ta o phi aw ta, a hmô hlâlei pakhâta ta tlua leipa ta a y aw?

ZAWHÂNA 3:17

Khizaw thailei pachâsa awpa ta Khazohpa ta a Sawchapawpa khizaw lâ a tuapa châ vei, ano vâta khizaw pachhapa ta a y thei nawpa ta a tuapa tlao a châ.

RAWMA 5:6

Eima chiehlei nona khata, Krista cha moleipazy vyuhpa ta a daihtita liata thi ha ta.

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.