LUKA 18:7 - Mara Bible RV (BSI)

⁷ Khazohpa chhochhi ta cha, â tlyhpa, chhô nah zâ ta ano a awsaopazy châta hmo dopa taopa leipa ta a y aw ma? A pahawh pasâh aw ma?

LUKA 18:7 ပူးပေါင်းရင်းမြစ်များ

HLAZY 88:1

Hy Abeipa, ei pachhana Khazohpa y, Na hmiakô liata chhô nah zâ ta ei awh hih.

HLAZY 9:8

Siana ta khizaw chô liata ryureih ta, Adona ta phopizy a pachia ei.

PUASAINA 22:23

Ama rie pathei u la, eina awsao khiah ei ta cha, ama awna ao thei aw na ta,

ISAI 40:27

Hy Zakaw, khazia hetana heta tah chi ta, He Izarei, khazia hetana heta na reih? Khazia, “Ei lâpi cha Abeipa tawhta nyupa châ ta, Ei Khazohpa ta ei thâtih pachâ khoh vei,” na tah thai?

HABAKU 2:3

Aluahna cha a daihti raopa hâ chy ta, Chhâna kyh reih ta, Rei chhei aw vei. Vaw tlô mâh vei hra sala, Hâ hualua mah y; A vaw tlô thlyu aw, Hawh aw vei.

MATHAI 24:22

Cha nohzy cha pachyusapa châ leipa sala, chyhsa ahy hmah a hrohpa y aw veih ei. Châhrasala atlyhpazy vâta, cha noh cha pachyusapa a châ aw.

MATHAI 24:24

Mesia pakheipazy nata hrohso pakheipazy vaw pua aw ei ta, ngiana nata hmonoâh rônahpazy ama tao aw. Tao theipa châ sala, atlyhpazy taih ama dôvei aw.

MATHAI 7:11

Nâmo, moleipazy chi hmahta, nama sawzy hmo phapa piena châh nama pahno khiahta cha, nama Paw vârâh liata a ypa chhochhi ta cha, kha tlu ta hluh viapa ta ma a hiahtuhpazy hnohta hmo phapa a pie aw tly!

LUKA 11:13

Nâmo, moleipazy chi hmahta, nama sawzy hmo phapa piena châh nama pahno khiahta cha, nama Paw vârâh liata a ypa chhochhi ta cha, khatlu ta khokhei viapa ta ma a hiahtuhpazy hnohta Thlahpa Pathaihpa a pie aw tly!” tah ta.

LUKA 2:37

nôhmei châpa ta kô sycharie nata kô palih chhôh a ypa a châ. Achhyna o puasai leipa ta, chhô nah zâ ta kâhvileipa ta thlahchhâpa ta Khazohpa â chhy tyh.

LUKA 21:28

Cha hmozy a vaw tlô pathao tita, nama pachhana cha a hnia ha ta, thyu u la, avâ lâ moh muh vy,” tah ta.

RAWMA 8:33

Khazohpa a tlyhpazy cha ahy a leih aw? Thai pachâsatuhpa cha Khazohpa châ tlôh ta.

KAOLAOSÂ 3:12

Chavâta Khazohpa chyhsa atlyhpa, mopathaihpa nata kho ngaitapazy nama châpa hawhta, thapasana palôh, nôphana, areisina, nônaina nata daotheina zy ta a tobi teh u.

1 THYSALAWNIKA 3:10

Nama hmia hmô heih ta, ngiapâna liata namâ phahlanazy cha pazao awpa ta, chhô nah zâ ta phahnai khoh ngaitapa ta thlah eima chhâ lymâ.

2 THYSALAWNIKA 1:6

Khazohpa pachiana cha a do ta, nama rie châ patheituhpazy cha rietheina ta viari a thô aw.

1 TIMAWTHY 5:5

Nôhmei hmeiseihpa, ano dei ta a ypa cha, Khazohpa chô liata hnabeiseihna a sohpa châ ta, chhô nah zâ ta hiapa nata thlahchhâpa ta a y tyh.

2 TIMAWTHY 1:3

Ei thlahchhânazy liata chhô nah zâ ta khâ châ thei tyh na ta, nâ pathlatuhpazy taozie hawhta, chhie nata pha pahnona siapa ta ei chakaopa Khazohpa hnohta nâma vâta alyna bie ei reih tyh.

2 TIMAWTHY 2:10

Chavâta atlyhpazy ta Krista Zisu liata a ypa pachhana cha, chhâzaw rônahna chhaota ama hmô thei nawpa ta, âmo châta ato pasa ei tao lylia.

TITU 1:1

Kei, Pawla he Khazohpa ta â tlyhpa chyhsazy angiapâna châta nata Khazohpa pachâna lâ a chhihthapa biehmeiseihpa pahnona châta Khazohpa chakaotuhpa nata Zisu Krista lyuhchâpa ei châ.

1 PITY 1:1

Zisu Krista lyuhchâpa Pity ta Pawntu, Kalatia, Kâpadôkia, Asia nata Bithunia râhzy liata paipatlapa ta a ypa atlyhpa sahlao,

2 PITY 3:9

Thokha ta Abeipa cha a bietai patlôna kyh liata nainôsôpa hawhta pachâ ei ta, châhrasala a nainôsô vei. Abeipa cha nâmo châta palôh pasi ngaitapa châ ta, ahy hmah ama leidia awpa khoh leipa ta, chyhsa zydua ama ro khai awpa tlao a khoh.

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”

BIEPHUAH 6:10

Âmo chata, “Hy Abeipa Chônôchaipa, pathaihpa nata adopa, khachâ ma alei chô liata a pahrâpazy chô liata eima thisaih phuh la leipa ta y aw chi ta, âmo cha pachia leipa ta na y aw tly?” tahpa ta ao paro ngaitapa ta awh ei ta.

BIEPHUAH 7:15

“Chavâta âmo cha, Khazohpa beidyuchhai hmiakô liata y ei ta, Chhô nah zâ ta ano Achhyna o liata ama chakao tyh; Beidyuchhai liata a tyuh aw ei ta, A ypâna ta a khu aw ei.