LUKA 18:43 - Mara Bible RV (BSI)

⁴³ A mo thlai vaw pavâ ha ta, Khazohpa reithaina chôta Zisu cha zi ha ta. Cha cha chyhsa zydua ta ama hmô nahta, Khazohpa reithai ei ta.

LUKA 18:43 ပူးပေါင်းရင်းမြစ်များ

HLAZY 107:15

A kyhpachâna tleih beih leipa vâta, Abeipa cha reithai ei sala; Chyhsa sawzy châta a hmotao noâhpazy vâta, Abeipa cha reithai mawh ei sy!

HLAZY 107:8

A kyhpachâna tleih beih leipa vâta, Abeipa cha reithai ei sala; Chyhsa sawzy châta a hmotao noâhpazy vâta, Abeipa cha reithai mawh ei sy!

HLAZY 146:8

Mochaopazy mo a pavâsa. Abeipa cha a bôhpazy pathyu ta, Abeipa cha mosiapazy kyh a pachâ.

HLAZY 30:2

Hy Abeipa ei Khazohpa, Baona hiapa ta cha awsao na ta, Eina patlâh ha chi.

ISAI 35:5

Cha tita cha, mochaopazy mo pavâsapa châ aw ta, Nahpâpazy nah pavâsapa a châ aw.

ISAI 42:16

Mochaopazy cha, Ama pahno beih leipa lâthlôh liata a chhi aw ei na ta, Ama pahno beih leipa lâpi liata ei chhihtha aw ei. Ama hmiakô liata zohna cha khaihna ta tao aw na ta, Su byuhpazy ei paraih khai aw. Cha hmozy cha tao aw na ta, Âmo siesai aw veih ei na.

ISAI 43:21

Chatanachata ei châta ei paduapa phopi ta, Keima reithaina ama phuah aw.

MATHAI 11:5

Mochaopazy ama mo pavâ ta, pheisypazy phei ta sie ei ta, phawhpazy pathaisapa ta y ei ta, nahpâpazy ta thei ei ta, athipazy pathyupa ta y ei ta, dyhchhiepazy hnohta thâtihpha chhopa a châ haw.

MATHAI 21:14

Achhyna o liana chata mochaopazy nata pheisypazy ano lâ a vy ei ta, âmo cha patlâh ta.

MATHAI 9:8

Zawpizy ta cha cha ama hmô nahta, chi ngaita ei ta, chyhsapazy hnohta cha hawhpa biehneina a pietuhpa Khazohpa cha reithai ei ta.

LUKA 13:17

Cha biezy cha a rei nahta, a khakhaipa zydua cha nozapa ta y ei ta. Zawpi deikua cha hmo rônahpa a taopa zydua vâta a ly ngaita ei ta.

LUKA 19:37

Zerusale a tlô chy, Ôli Tlâh lâ chôna lâpi liata a sie hai nota, a hmotaotheina rônahpa ama hmôpa zydua vâta, a zituhpa zawpizy cha a ly ngaita ei ta, ao paro ngaitapa ta Khazohpa reithai ei ta.

LUKA 4:39

A kiapâh liata a kei duah ta, hrisypa cha ra ta, pai ha ta. Pity pihnô cha thlai thyu ta, âmo cha chakao ta.

LUKA 5:26

Ama zydua ta noâh tah ngaita ei ta, Khazohpa reithai ei ta, “Tanoh he hmonoâhpa eima hmô hih,” tah ei ta, china ta bie ei ta.

LUKA 9:43

Khazohpa hmotaotheina rônahzie cha chyhsa zydua ta noâh tah ngaita ei ta. Chyhsa zydua ta a hmotaopa zydua cha noâh ama tah kaw nota, Zisu ta a pachupazy hnohta,

HMOTAOPAZY 11:18

Cha biezy cha ama thei nahta, a chalih ha ei ta. “Chata a châ khiahta cha, Khazohpa ta Zenitaizy chhao, ropa ta hroh awpa a pasai ha ei chuh,” tah ei ta, Khazohpa reithai ei ta.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

HMOTAOPAZY 4:21

Hmonoâhpa a tlôpa vâta, chyhsa zydua ta Khazohpa reithai ei ta, zawpizy vâna chata hrie ngâh khao leipa ei ta, pachhipary via heih ei ta, ama pathlie haw.

KALATIA 1:24

Chatanachata keima vâta Khazohpa ama palyupalih thei haw.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.