LUKA 18:32 - Mara Bible RV (BSI)

³² Zenitaizy hnohta hlâpa châ aw ta, pahneisaisona châta hmâhpa ta, nozachhih ngaitapa ta tao aw ei ta, ama pachih ta ama pachhao aw.

LUKA 18:32 ပူးပေါင်းရင်းမြစ်များ

ISAI 50:6

Ei ky he nâ tutuhpazy châta dao na ta, Ei baih he ei baihhmi nâ phiatuhpazy châta ei dao tyh. Ei hmia he nohzaona tawhta nyu leipa na ta, Pachih pachhaona tawhta nyu hra va na.

ISAI 52:14

Ano ama hmô nahta, Chyhsa hluhpi ta noâh ama tahpa hawh tlai ta, A hmisâ rao khai ha ta, Chyhsapa hmi chhao lyu khao vei; A pizie chhao, Chyhsa sawzy pizie lyu khao vei.

ISAI 53:3

Ano cha chyhsazy ta mohnaopa ta dytha ei ta, Pachârôhnazy a hneipa chyhsa châ ta, Pachâchhienazy a pahnopa a châ. Chyhsazy ta ama hmia ama nyusaipa chyhsa hawhta, Mohnaopa ta y ta; Keimo chhao ta, Ano cha pasâhsa hlei hra ma pi.

MIKÂ 5:1

Hy pheisaihzy sawchanô y, Na pheisaihzy pahmaohpakhy teh; Miah dôh ei ta, Izarei ryureituhpa baih liata Chôchahrei ta ama tu hih.

MATHAI 16:21

Cha rakha tawhta cha Zisu ta a pachupazy hnohta Zerusale lâ a khy awpa nata machâzy, theihthai beizy nata ryhpa pachutuhpazy ta pasa thata ama pataosa awpa kyh nata, ama thie awpa nata noh thôh noh ta pathyupa ta a y awpa kyh zy reih pathao ta.

MATHAI 20:19

Pasipasawh awpa nata chhei awpa nata khaipâ awpa ta Zenitaizy ku liata hlâpa châ aw ta, a noh thôhna noh ta pathyupa ta a y aw,” tah ta.

MATHAI 22:6

Chyhsa hropazy ta a chakaotuhpazy cha vaw patu ei ta, noza chhih ngaitapa ta taopa ta, thie ei ta.

MATHAI 26:67

A hmia liata ama pachih ta pachhao ei ta, tu ei ta, thokha ta chabaih ei ta,

MATHAI 27:2

Zisu cha chahrypa ta a chhi ei ta, râhvaotuhpa Pilâ lâ hlâ ei ta.

MÂKA 14:65

Thokha ta Zisu cha ama pachih ta pachhao ei ta, a hmia pahly ei ta, tu ei ta, a hnohta “Hrohsona bie cha phuah châh chi!” tah ei ta. Vaituhpazy ta amâ chhi pâ ta chabaih ei ta.

MÂKA 15:1

My a vaw châpa nahta, theihthai beizy ta machâzy, ryhpa pachutuhpazy nata ryureituhpa zydua a chhohia ei ta. Zisu cha chahrypa ta a chhi ei ta, Pilâ lâ hlâ ei ta.

LUKA 18:33

Ama chhei khai tawhta, thie aw ei ta, a noh thôhna noh ta a thyu heih aw,” tah ta.

LUKA 23:1

Zawpi zydua cha thyu ei ta, Zisu cha Pilâ lâ a chhi ei ta.

LUKA 23:11

Herawda nata a pheisaihzy ta Zisu cha mohnao kawpa ta pasipasawh ei ta. Poh rônahpa pabupa ta, Pilâ lâ hlâ pakhua ha ta.

LUKA 23:35

Zawpizy a kiapâh liata a duah ei ta, sai thlâh ha ei ta. Ryureituhpazy deikua ta pasipasawh ei ta, “Mohropazy a pachha tyh mâh tâh. Khazohpa Atlyhpa Mesia a châ tlai khiahta cha, anosasyh a pachha bao sa!” tah ei ta.

ZAWHÂNA 18:22

Cha bie cha a rei khai nahta, a kiapâh liata a duahpa hyutuhpa pakha ta Zisu cha chabaih ta, “Kha hawhta ma theihthai beichaipa nâ chhy?” tah ta.

ZAWHÂNA 18:28

Zisu cha Kaiphâ o tawhta râhvaotuhpa o lâ a chhi heih ei ta. Mydi kari châ ta. Zuzy deikua cha râhvaotuhpa o liata a ngia leipa ei ta. Amâ ngia khiahta cha, pathaih leipa châ aw ei ta, Zawpakhô pati ama nie thei lei awpa vâta amâ ngia leipa a châ.

ZAWHÂNA 18:30

Âmo ta a chhy ei ta, “He chyhsa he moleipa châ leipa sala, nâ lâ a vaw chhi aw ma pi,” tah ei ta.

ZAWHÂNA 18:32

Cha cha Zisu ta a thinazie awpa kyh a reipa hawhta a vaw tlô nawpa ta a vaw ypa a châ.

ZAWHÂNA 18:35

Pilâ ta a chhy ta, “Kei cha Zu chyhsa ma ei châ? Na chiheihzy cheingei nata theihthai beizy ta kei lâ ama cha vaw hlâpa na châpa he. Khâpa hmo ma na tao haw?” tah ta.

HMOTAOPAZY 2:23

Kha Zisu kha Khazohpa pachhuahpanohpa nata pahno chhieliepa hawhta, nâmo ta patusa ei chi ta, moleipazy ku ta khaipâ ei chi ta, nama thie hapa a châ.

HMOTAOPAZY 3:13

Abarahâ Khazohpa, Aisika Khazohpa nata Zakaw Khazohpa, miah pathlatuhpazy Khazohpa ta a chakaotuhpa Zisu a parônahsapa a châ hih. Ano cha patusa ei chi ta, Pilâ ta pathlie â chhuahpa chhao ta, Pilâ hmiakô liata namâ paphasai hapa kha a châ.