LUKA 18:3 - Mara Bible RV (BSI)

³ Cha khih liata nôhmei pakha y ta, ano chata, ‘Ei khakhaipa ta ei chô liata a hmotaopa adoleipa he phuh na lapa mah y,’ tahpa ta, ryureituhpa lâ cha vawh ngâ thlâh ha ta.

LUKA 18:3 ပူးပေါင်းရင်းမြစ်များ

ZAWBÂ 22:9

Nôhmeizy ku ruapa ta pasiesa chi ta, Paw hnei leipa bâhzy na thlie.

ZAWBÂ 29:13

Thi daihmâpa byhnâ awna ei chô liata vaw tlô ta, Nôhmei palôh cha lyna hla sapa ta ei paysa.

ISAI 1:17

Hmo pha tao a chu teh u; Adona tlua u la, Tlybaina a dyuh teh u; Paw hnei leipazy chô liata adona patlôsa u la, Nôhmeizy reikhei teh u.

ZEREMIAH 5:28

Thawh ei ta, Ama mitlaoh pha kaw. Moleina hmo taona kyh liata deikua, Â daihpa pahno veih ei; Paw hnei leipazy amâ tivy thei nawpa ta, Adona ta ama bie pachiapa leipa ei ta, Dyhchhiepazy pikhei tovyuh a duakhei veih ei.

MATHAI 5:25

Lyuh châ tuatuhpa nata ryureina su lâ nama sie hai nota, lâpi liata aryhna tao para ha mah y. Chataleipatala lyuh châ tuatuhpa ta ryureituhpa lâ cha hlâ aw ta, ryureituhpa ta vaituhpa lâ cha hlâ aw ta, patâhna o liata khôpa na châ pathlei aw.

LUKA 18:2

“Khih kha liata ryureituhpa pakha y ta, cha chyhsa cha Khazohpa chi leipa ta, chyhsa chhao a papeisa leipa a châ.

LUKA 18:4

Ryureituhpa ta khachâ tlyma cha taopa khoh leipa ta. Châhrasala hnôhlâ ta pachâ heih ta, ‘Khazohpa chi leipa na ta, chyhsa chhao a papeisa vei hraw sah la,

LUKA 18:5

he nôhmei he na patypamâ ngâ thlâh ha tlôh ta, chavâta phuh ei lapa thlâh ha tua aw, chataleipatala khâ a vy ngâ thlâh ha aw ta, ei rie eina pathei tu pathlei aw na,’ tah ta, a hiapa hawhna chata a taopa haw,” tah ta.

RYHPACHANEINA 27:19

“Chihropazy, paw hnei leipazy, nôhmeizy adona a tlybaipa cha chhiesapa ta y mawh sy,” tah aw ei ta, zawpi ta, “Amen” ama tah aw.