LUKA 18:19 - Mara Bible RV (BSI)

¹⁹ Zisu ta a hnohta, “Khazia phapa eina tah chi? Khazohpa dei leipa ta ahy hmahta phapa y veih ei.

LUKA 18:19 ပူးပေါင်းရင်းမြစ်များ

ZAWBÂ 14:4

Ahy ma hmo pathaih leipa tawhta hmo pathaihpa a papua thei aw? Pakha hmah y veih ei.

ZAWBÂ 25:4

Kheihta ma chyhsapa cha Khazohpa hmiakô liata a sia thei aw? Kheihta ma chanô sapa chyhsa cha a pathaih thei aw?

LUKA 1:35

Vâlyuhchâpa ta a hnohta, “Thlahpa Pathaihpa na chô liata vaw tlô aw ta, Chônôchaipa hmotaotheina ta a cha khu aw. Chavâta hawti pathaihpa a vaw pih awpa cha, Khazohpa Sawchapawpa bipa a châ aw.

LUKA 11:13

Nâmo, moleipazy chi hmahta, nama sawzy hmo phapa piena châh nama pahno khiahta cha, nama Paw vârâh liata a ypa chhochhi ta cha, khatlu ta khokhei viapa ta ma a hiahtuhpazy hnohta Thlahpa Pathaihpa a pie aw tly!” tah ta.

LUKA 18:18

Ryureituhpa pakha ta a hnohta, “Pachutuh phapa, chhâzaw hrona ei hnei thei nawpa ta khâpa ei tao aw?” tah ta.

LUKA 18:20

Biepiepazy na pahno: ‘A phei kha, Liany cheih kha, Paru kha, Haipa ta chyhsa leih kha, Na nô nata na paw palyupalih teh,’ tahpazy na pahno,” tah ta.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.

ZÂMIE 1:17

Hmosaipiepa phapa nata hmosaipiepa pakipa zydua cha chô lâ tawhta a zupa châ ta, khaihpazy Paw tawhta a zupa a châ. Ano liata ananona nata nohpahlipa y vei.