LUKA 18:16 - Mara Bible RV (BSI)

¹⁶ Châhrasala Zisu ta âmo cha ano lâ aw ta, “Hawtizy kei lâ pavysa u la, dytha khah u, Khazohpa khinarâh cha he hawhpa chyhsazy eih châ tlôh ta.

LUKA 18:16 ပူးပေါင်းရင်းမြစ်များ

ÂTHAONA 21:4

Khazohpa ta bie a piepa hawhta, Abarahâ ta a sawchapawpa Aisika cha noh charie a châ nahta, a chopaw taipa ta.

2 THÂTIHZYRONA 20:13

Zudâh pathla zydua cha ama hawti chyhpatazy, ama lapinôzy nata ama sawzy chhaota Abeipa hmiakô liata a duah ei ta.

ZEREMIAH 32:39

Âmo pha nawpa nata âmo hnôhlâ ta ama pathlazy pha nawpa ta chhâzaw ta eina chi thei nawpa ei ta, palôh miakha paphaosa aw ei na ta hrozie miakha ei pahneisa aw ei.

MATHAI 19:14

Zisu ta, “Hawtizy kei lâ pavysa teh u, dytha khah u, vârâh khinarâh cha he hawhpa hawtizy eih châ tlôh ta,” tah ta.

LUKA 18:15

Chatawhcha a hria awpa ta hawsaihzy taih ano lâ a vaw chhi ei ta. Cha cha pachupazy ta ama hmô nahta, hawsaih a vaw chhipazy cha ra ei ta.

LUKA 18:17

Hmeiseihta ta ei cha chho ei, Khazohpa khinarâh cha, hawti a lypa hawhta a ly leipa maihta a ngia cheita aw veih ei,” tah ta.

HMOTAOPAZY 2:39

Bietai cha nâmo châta châ ta, nama sawzy châta châ hra ta, lâhlapi ta a ypa zydua châta chhao châ ta, Abeipa eima Khazohpa ta a awpa zydua châta a châ,” tah ta.

1 KAWRINI 14:20

Unawh saih u, hawti palôh phaoh khah u. Moleina kyh liata cha hawsaih hawhta châ u la, palôh lâta deikua cha pitlohpa ta y teh u.

1 KAWRINI 7:14

Vahpa ngiapâleipa cha, a lapinô zawhzi ta pathaisapa ta y ta, lapinô ngiapâleipa chhao, a vahpa zawhzi ta pathaisapa ta a y. Chata châ vei sala, nama sawzy cha pathaih leipa ama châ aw. Tahmâ deikua cha ama pathaih.

RYHPACHANEINA 29:11

nama hawtizy, nama lapinôzy, chihropa nama riehmo liata a y hrapazy, nama tho a thlupa tawhta nama ti a thaihpa taihta Abeipa nama Khazohpa hmiakô liata namâ duah hih.

RYHPACHANEINA 31:12

Zawpizy ta Abeipa nama Khazohpa china bie nathliepa ta, a chu ei sala, ryhpa bie zydua he zyhpa ta ama tao thei nawpa ta, chapawzy, chanôzy, hawtizy nata nama yna khihzy liata chihropa a ypazy nama awpakhy khai aw.

1 PITY 2:2

Hawsaih pih thiehpazy hawhta, thlahpa sâhpiti patapa vâ u la, chatanachata nama pachhana liata nama laiseih lymâ aw.