LUKA 18:14 - Mara Bible RV (BSI)

¹⁴ Ei cha chho ei, thaichâpa ta a o lâ a dipa cha, Phârisaih châ leipa ta, chhiekheituhpa tlao a châ. Ahy rai a pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

LUKA 18:14 ပူးပေါင်းရင်းမြစ်များ

ZAWBÂ 22:29

Khazohpa cha reisipazy a pachha tyhpa vâta, Panawhpa ama châ tita, ‘Apalaina vâta a châ,’ na tah aw.

ZAWBÂ 25:4

Kheihta ma chyhsapa cha Khazohpa hmiakô liata a sia thei aw? Kheihta ma chanô sapa chyhsa cha a pathaih thei aw?

ZAWBÂ 9:20

Ei do thlâh hapa chhao ta, Ei pakah ta thailei na pachâ aw ta; Seina hnei leipa ei châpa chhao ta, Ei sialeina a hmô thlyu aw.

HLAZY 138:6

Abeipa cha chônôchaipa a châ tarawpa ta, Chyhsa nawhpazy pachâ ta; Akhotlâhpazy deikua cha, Â hlapi tawhta a pahno ei.

HLAZY 143:2

Na hmiakô liata la, Ahrohpazy hry liata mosiapa ama y leipa vâta, Châ chakaotuhpa he pachiana liata a ngiakhei khah y.

PUASAINA 18:11

Tahmâ la Abeipa he khazoh zydua hlâta rônah viapa a châzie ei pahno haw. Izarei phopi chô liata a palai ngaitapazy chô liata a hmotaozie tawhta â lâ haw,” tah ta.

BIESOZY 15:33

Abeipa china cha sona pachuna châ ta, Palyupalihna to awpa ta a reisi tua awpa a byuh.

BIESOZY 18:12

Palôh laina cha raona hmia lâta sie ta, Areisina deikua cha palyupalihna hmia lâta a sie.

BIESOZY 25:7

Nôpawpazy mohmô ta â hnai lâ patyusapa hlâta, “He lâ a khy teh,” ama cha tahpa a pha via.

BIESOZY 29:23

Chyhsa cha â palaina ta ano panawh aw ta, Chyhsa areisipa deikua cha palyupalihna a hlao aw.

BIESOZY 3:34

Mohnaotuhpazy cha mohnao ta, Areisipazy chô liata deikua ngiachhiena a palâsa tyh.

BIECHHOTUHPA 9:7

Khazohpa ta na hmo taopazy a pyh ha ta, chavâta sie la, a lypa ta na viahchhâ nie la, palôh tlâhpa ta na kresawhti doh mah y.

ISAI 45:25

Izarei chipathla zydua deikua cha, Abeipa liata thai pachâsapa châ aw ei ta, Rônahpa ta ama y aw.’”

ISAI 53:11

Pasataona khô lâta hrona khaihna hmô aw ta, Palôhtlâh ngaitapa ta a y aw. Nâ chakaotuhpa chyhsa siapa cha, A pahnona hmâpa ta chyhsa hluhpi thai pachâsa aw ta, Ama paraonazy a phaopa aw ei.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

DÂNIAH 4:37

Chavâta tahmâ, kei, Nebukaneza ta avâ Beipa cha reithai na ta, palyupalihpa ta, ei parônahsa. Avâ Beipa cha a hmotaopa zydua a do ta, a lâpizy sia ta, a palaipazy a panawh theipa a châ.

HABAKU 2:4

“Moh tua u, moleipa palôh cha a palai kaw ta, Ano liata adona y vei; Mosiapa deikua cha, Â ngiapâna ta a hroh aw.

MATHAI 23:12

Ahy rai a pasâhsapa maih panawhpa châ aw ei ta, a panawhpa maih palyupalihpa ama châ aw.

MATHAI 5:3

“Thlahpa sipasapazy ama nohlao na, vârâh khinarâh ama eih a châpa vâta.

LUKA 1:52

Thatlôpazy ama beidyuchhai tawhta a daophi ta, Areisipazy a cheihchalo tyh.

LUKA 10:29

Dâhthaipa cha thaichâ a chhuahpa ta, Zisu hnohta, “Cha khiahta la ei vaih cha ahy maw?” tah ta.

LUKA 14:11

A pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

LUKA 16:15

Zisu ta ama hnohta, “Chyhsa mohmô liata a do kawpa hawhta a lâpa deita nama châ. Khazohpa deikua cha nama palôh a pahno. Chyhsa hry liata palyupalihna cha Khazohpa mohmô ta pasichhihpa a châ.

RAWMA 3:20

Ryhpa vâta moleina pahnona vaw y ta, chavâta chyhsapa ahy hmahta hmotaopa vâta Khazohpa mohmô ta thaichâ thei aw veih ei.

RAWMA 4:5

Rai a hria leipa chhao ta, moleipazy thai a pachâsatuhpa a ngiapâpa cha, â ngiapâna cha siana ta raopa a châ.

RAWMA 5:1

Chavâta ngiapâna vâta thai eima châ ha tawhta cha, eima Beipa Zisu Krista zawhzi ta Khazohpa nata a ryhpa ta eima y haw.

RAWMA 8:33

Khazohpa a tlyhpazy cha ahy a leih aw? Thai pachâsatuhpa cha Khazohpa châ tlôh ta.

KALATIA 2:16

Chatahrasala ryhpa hmotaopazy vâta chyhsa cha thaichâpa ta y leipa ta, Zisu Krista ngiapâna vâ deita ta thaichâpa ta a y, tahpa eima pahno. Chavâta keimo chhao, ryhpa hmotaopazy vâta châ leipa ta, Krista Zisu ngiapâna vâta thaichâpa ta eima y thei nawpa ta, Krista cha eimâ ngiapâ. Ryhpa hmotaopazy vâta ahy hmah thaichâpa ta y thei veih ei.

ZÂMIE 4:10

Abeipa hmiakô liata a panawh u la, Abeipa ta a cha palyupalih aw ei.

ZÂMIE 4:6

Châhrasala ngiachhiena hluh via ta tlao a vaohei tyh. Chavâta Biehrai ta, “Khazohpa ta apalaipazy a dyuh ta, areisipazy deikua a ngiachhie tyh,” a tahpa a châ.

1 SAMUELA 1:18

Hânâ ta, “Na seichanô he na modypa rie châ mawh sy,” tah ta. Chatawhcha chanô cha sie ta, pati nie ta, a pachârôhna hmia cha pai ha ta.