LUKA 18:12 - Mara Bible RV (BSI)

¹² Hâta chareih ta ei no kâhvileipa ta y tyh na ta, ei hmôpa zydua tawhta su hrawh su kha ei pie lymâ,’ tah ta.

LUKA 18:12 ပူးပေါင်းရင်းမြစ်များ

2 ABEIZY 10:16

Zehu ta, “Ei hnohta vaw sie la, Abeipa châta phahnai ei ngiahzie vaw hmô tua mah y,” tah ta. Chatanachata a talailih liata pakiasa ta.

ISAI 1:15

Nama ku avâ lâ nama pazawh tita, Ei mo châ chahusai aw ei na ta; Ei hluhpi thlah nama chhâpa chhao ta, Nathlie aw va na; Nama kuzy thisaih ta bie tlôh ta.

MALAKHAI 3:8

Chyhsapa ta Khazohpa a hrao aw ma? Nâmo deikua ta cha eina hrao tyh ei chi. Châhrasala nâmo ta, ‘Kheih ta ma eima cha hrao tyh?’ nama tah. Su hrawh su kha nata thyunazy liata eina hrao tyh ei chi.

MALUHREINA 18:24

Izarei sawzy ta su hrawh su kha Abeipa lâta chalopa hlâna ta ama hlâpa cha, Livai pathlazy hnohta ama ryuto châta ei pie. Chavâta ama hnohta ‘Izarei sawzy hry liata ryuto hnei aw veih ei’ ei tahpa a châ,” tah ta.

MALUHREINA 23:4

Khazohpa ta Bâlâma cha a vaw tyh ta. Bâlâma ta a hnohta, “Maisâh miasari tao na ta, maisâh to liata viahchao tôhpa pô kha nata mietaku tôhpa pô kha lymâ ei hlâ haw,” tah ta.

MATHAI 5:20

Ei cha chho ei, nama siana cha ryhpa pachutuhpazy nata Phârisaihzy siana hlâta a sia via vei khiahta cha, vârâh khinarâh a ngia thei aw veih ei chi.

MATHAI 6:1

“Chyhsa hmô awpa ta hmo pha a taopa nama châ lei nawpa ta a chado teh u. Chataleipatala nama Paw vârâh liata a ypa tawhta lymâ hmô aw veih ei chi.

MATHAI 6:16

“Kâhvileipa ta nama y tita, phapakheipazy hawhta thachhâna hmia phaoh khuh vy. Âmo cha kâhvileipa ta ama ypa chyhsazy ta ama pahno thei nawpa ta, thachhâna hmia ama palâsa tyh. Hmeiseihta ta ei cha chho ei, ama lymâ ama hmô haw.

MATHAI 6:5

“Thlah nama chhâ tita, phapakheipazy hawhta tao khuh vy. Âmo cha chyhsa ta ama hmô thei nawpa ta, pakhyna ozy liata nata khiliah suzy liata a duahpa ta thlah ama chhâ tyh. Hmeiseihta ta ei cha chho ei, ama lymâ ama hmô haw.

MATHAI 9:14

Zawhâna pachupazy a hnohta a vy ei ta, “Khazia keimo nata Phârisaihzy he kâhvileipa ta y tyh pi ta, na pachupazy he kâhvileipa ta ama y hra vei?” tah ei ta.

LUKA 11:42

“Nâmo, Phârisaihzy saih u, nama hu a po na! Pudinâ nata sysadi nata âhnalasi to tawhta su hrawh su kha pie tyh ei chi ta, adona nata Khazohpa kyhpachâna hmâchhâh uasa leipa ta nama y. Chazy cha nama tao awpa tlai châ ta, ahropazy chhao uasa leipa ta nama y awpa châ vei.

LUKA 17:10

Cha hawhna hra chata nâmo chhao, nama hnohta biepiepa zydua nama tao khai tita, ‘Chakaotuhpa phahnai leipa eima châ, eima tao awpa na tlâ eima tao,’ tah muh vy,” tah ta.

RAWMA 3:27

Cha khiahta la, eimâ palaikhei kawpa kha khataih liata a y haw? Thypa ta a y haw. Khâpa ryhpa ta maw? Hmotaopa ryhpa ta ma? Châ vei, ngiapâna ryhpa ta tlao a châ.

1 KAWRINI 1:29

Chavâta Khazohpa hmiakô liata ahy hmah a palai thei aw veih ei.

KALATIA 1:14

Zuzy zyhna kyh liata, ei chiheihzy hry liata ei richâhkha hluhpizy hlâta hmasie viapa châ na ta, nâ pathlatuhpazy taozietyhpa châta phahnai a ngiah ngaitapa ei châ.

EPHESI 2:9

Hmotaopa vâta châ vei, chataleipatala chyhsa ta â palaikhei pathlei aw na.

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.

1 SAMUELA 15:13

Samuela cha Sawla kô kei tlô ta, Sawla ta a hnohta, “Abeipa ta byhnâ cha pie mawh sy, Abeipa biepiepa cha ei tao haw,” tah ta.