LUKA 17:8 - Mara Bible RV (BSI)

⁸ ‘A patly la, zâpati na taopa teh. Niepa ta ei doh khai hlâlei na chakao la, cha khai tawhta nâ cha niepa ta doh lah vâ chi,’ tlao tah aw vei ma?

LUKA 17:8 ပူးပေါင်းရင်းမြစ်များ

ÂTHAONA 43:16

Ama hnohta Benzami â hlaopa Zawsi ta a hmô nahta, a o avaotuhpa hnohta, “Hao chyhsazy hao o chhôh lâ a chhi la, sa thie la, chhoh teh. Hao chyhsazy hao ei hnohta nohchhô pati ama nie aw,” tah ta.

2 SAMUELA 12:20

Chatawhcha Dâvi cha alei tawhta thyu ta, a ngai a si ta, sathaw a thu ta, a chysia a patly ta, Abeipa o lâ vawh ta, Abeipa a chhy ta. Cha khai tawhta o lâ a di ta, nie awpa pado ta, a hmiakô liata pati taopa ei ta, nie ta.

LUKA 12:37

Ama zibeipa â vy tita, ano hâpa ta a vaw hra thlâh hapa chakaotuhpazy cha ama nohlao na! Hmeiseihta ta ei cha chho ei, ama zibeipa cha chakaona chysia a tobipa ta, chakaotuhpazy cha tlâhkhai liata pati padôhsa aw ta, a vy aw ta, âmo cha a chakao aw ei.

LUKA 17:7

“Nama hry liata chakaotuhpa, lei palietuhpa tlyma, mietaku vaituhpa tlyma, a hneipa y u la, chakaotuhpa cha lyu lâ tawhta a vaw tlô nahta, ‘Tlâhkhai liata pati thlai vaw dôh teh,’ ahy a tah aw?

LUKA 17:9

Chakaotuhpa cha biepiepa a taopa vâta a zibeipa ta alyna bie a hlâ beih ma?

ZAWHÂNA 13:4

Zâpati a dôhpa cha thyu ta, a viahkao pasipa pahluh ta, hruna poh la ta, a chai liata a saih ta.