LUKA 17:3 - Mara Bible RV (BSI)

³ Â vaih teh u! Na unawhpa ta hmo a parao khiahta cha, chhorei la, a ro khiahta cha, a ngiahthai mah y.

LUKA 17:3 ပူးပေါင်းရင်းမြစ်များ

HLAZY 141:5

Mosiapa ta cha na tu mawh sy, Cha cha eina khokheipa vâta a châ; Na chhorei mawh sy, Ei luh châta sathaw châ ta, Ei luh ta dytha khah sy. Chatanachôta hmo moleipa ama taopazy a dyuh na ta, Thlah ei chhâ lymâ.

PUASAINA 34:12

Na sie nawpa râh liata a pahrâpazy hnohta biehrai tao lei awpa ta a vaih mah y. Chataleipatala nama hry liata khoheih ama châ pathlei aw.

BIESOZY 17:10

Ahrupa ei za kha chheipa hlâta cha, Asopa ei kha rapa â ngia pathu via.

BIESOZY 27:5

Kyhpachâna â nyupa hlâta cha, A lâhâh ta rapa a pha via.

BIESOZY 9:8

Akhotlâh kawpa chyhsa la ra hlei khah y, A châ hao pathlei aw na; Chyhsa sopa ra la, Kyh a cha pachâ aw.

THEIHTHAINA 19:17

“Na palôh ta na unawhpa nâ hao awpa châ leipa ta, a thaileichâna liata nâ hlao hra lei nawpa ta, na vaih cha na chhorei awpa a châ.

MATHAI 18:21

Pity cha Zisu lâ a vy ta, a hnohta, “Abeipa, ei unawhpa ta ei chô liata hmoparao ngâ thlâh ha sala, ei khazie taih ei ngiahthai aw? Ei sari taih ma?” tah ta.

LUKA 21:34

“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.

EPHESI 5:15

Chatanachata asoleipazy hawhta y leipa u la, asopazy hawhta ypa ta, nama yzie liata a chado teh u.

RYHPACHANEINA 4:15

“Chavâta pakhâta ta a vaih teh u. Hôribâ liata Abeipa ta mei tawhta nama hnohta bie a rei noh kha, a pôhpa hmô veih ei chi.

RYHPACHANEINA 4:23

A vaih teh u, chataleipatala Abeipa nama Khazohpa ta nama hnohta bie a hraipa mypa ta, nothlahpazy taopa ta, Abeipa nama Khazohpa ta kheihawhpa a lyupa nothlahpa hmah tao lei awpa ta a pakhâpa nama tao pathlei aw.

RYHPACHANEINA 4:9

“Chavâta a sohsi u la, nama hro pakhâta ta a vao muh vy. Chataleipatala nama mo ta hmo a hmôpazy kha my aw ei chi ta, nama hro chhôh zydua ta nama palôh tawhta a lei pathlei aw. Chazy cha nama sawzy nata nama samohzy pachu tyh muh vy.

HEBRAI 12:15

Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.

ZÂMIE 5:19

Unawh saih u, nama hry liata biehmeiseihpa tawhta pavia sala, ahy tlyma ta â vaw chhi heih khiahta cha,

2 ZAWHÂNA 1:8

Nama hria chiehpazy pahlei leipa ta, lymâ â kipa ta nama hmô thei nawpa ta, a hrohrua teh u.