LUKA 17:24 - Mara Bible RV (BSI)

²⁴ Avâ hiakha lâta dôhla pathlie ta, avâ hiakha lâ taihta a khaih tyhpa hawhta, Chyhsa Sawchapawpa he ano noh liata cha a châ aw.

LUKA 17:24 ပူးပေါင်းရင်းမြစ်များ

EZEKIA 1:14

Dôhla pathliepa hawhna chata, hmohrohneipazy cha vawh heih a vy heih tahpa ta amâ râhreih lymâ.

ZEKARIA 9:14

Abeipa ama chô liata a vaw luah aw ta, A châtai dôhla hawhta a pathli aw; Abeipa Zehôvâh ta chiahmie tô aw ta, Chho khisôzy chhaota hrâ a sie aw.

MATHAI 24:27

Nochhi lâ tawhta dôhla vaw pathlie ta, notla lâ taihta a khaihpa hawhta, Chyhsa Sawchapawpa a vy heihna cha a châ aw.

MATHAI 24:30

Chatawhcha Chyhsa Sawchapawpa ngiana avâ liata a vaw lâ aw ta, alei liata chi to mâchhiesapa ta y aw ei ta, Chyhsa Sawchapawpa cha hmotaotheina nata rônah ngaitapa ta vâ meihdo chô liata â zupa ama hmô aw.

MATHAI 25:31

“Chyhsa Sawchapawpa he a vâlyuhchâpa zydua chhaota rônah ngaitapa ta â zu tita, a rônahna beidyuchhai liata a tyuh aw ta,

MATHAI 26:64

Zisu ta a chhy ta, “Na reipa hawhta ei châ. Châhrasala ei cha chho ei, he tawhta la, Chyhsa Sawchapawpa he Atotaotheipa ku chachâh lâta a tyuhpa ta, vâ meihdo chô liata â vypa nama hmô aw,” tah ta.

MATHAI 5:15

Chyhsa ta meiôh pakhaih sala, bai ry liata soh beih veih ei. Meiôh tôh liata soh ei ta, o chhôh liata a ypa zydua khaihna a pie tyh.

1 KAWRINI 1:8

Eima Beipa Zisu Krista noh liata, seina hnei leipa ta nama y thei nawpa ta, ano ta a chhâna taihta tha a cha patlô aw ei.

1 THYSALAWNIKA 5:2

Abeipa Noh cha zâ ta parutuhpa hawhta a vaw tlô aw tahpa nâmo tlai ta a sia kawpa ta nama pahno.

2 THYSALAWNIKA 2:2

Abeipa Noh cha a vaw tlô ha na, tahpa ta thlahpa ta reipa tlyma, bie ta reipa tlyma, keimo tawhta châpaphaopa hawhta reipa tlyma a y khiahta cha, nama palôh thlai a chalyu leipa sala, nama thlazoh hra khah sy.

2 THYSALAWNIKA 2:8

Cha khai tawhta, ryhpa paraotuhpa cha a vaw luah aw ta, Abeipa Zisu ta ano cha a pakah hu ta thie aw ta, â vyna khaihna ta a pahleipadia aw.

ZÂMIE 5:8

Nâmo chhao palôh pasipa ta y u la, Abeipa avyna a hnia ha tlôh ta, chavâta palôh a ipa ta y teh u.

2 PITY 3:10

Abeipa Noh cha parutuhpa hawhta vaw tlô aw ta, cha noh liata avâzy cha thata arôhna chôta leidia aw ei ta, avâ liata hmo a ypazy cha mei ta pakâpa ta pahleipadiapa châ aw ta, alei nata a chhôh liata a ypa zydua chhao a leidia khai aw.