LUKA 17:21 - Mara Bible RV (BSI)

²¹ ‘Moh teh u, he liata a y!’ ‘Hao liata a y!’ tah hra aw veih ei. Khazohpa khinarâh cha nama chhôh liata a y,” tah ta.

LUKA 17:21 ပူးပေါင်းရင်းမြစ်များ

MATHAI 12:28

Khazohpa Thlahpa vâta ahripazy a papuapa ei châ khiahta deikua cha, Khazohpa khinarâh cha nama chô liata a vaw tlô hapa a châ.

MÂKA 13:21

Chyhsa ta nama hnohta, ‘Moh teh u, Mesia cha he liata a y,’ a tah khiahta tlyma, ‘Moh teh u, hao liata a y,’ a tah khiahta tlyma, zo khuh vy.

LUKA 17:23

Nama hnohta, ‘Moh teh u, hao lâ huh!’ ‘Moh teh u, he lâ hih!’ ama cha tah aw. Pua leipa u la, âmo cha zi hra khuh vy.

LUKA 21:8

Zisu ta, “Ama cha dôvei lei nawpa ta a vaih teh u. Chyhsa hluhpi ei moh ta a vy aw ei ta, ‘Ano cha ei châ!’ ‘A daihti a tlô daihmâ haw!’ ama tah aw. Cha chyhsazy cha zi khuh vy.

ZAWHÂNA 1:26

Zawhâna ta âmo cha a chhy ta, “Kei ta la ti ta cha bâti ei na ta, châhrasala nama hry liata nama pahno leipa chyhsa pakha a duah ta,

ZAWHÂNA 18:36

Zisu ta a chhy ta, “Ei khinarâh cha he khizaw khinarâh châ vei. Ei khinarâh cha he khizaw khinarâh châ sala, Zuzy lâta hlâpa ta ei y lei nawpa ta, nâ chakaotuhpazy ta amâ dyuh ha aw. Ei khinarâh cha he liata y vei,” tah ta.

RAWMA 14:17

Khazohpa khinarâh cha nie nata do kyh châ vei. Siana nata thlalôhna nata Thlahpa Pathaihpa liata alyna zy tlao a châ.

KAOLAOSÂ 1:27

Cha bienyupa rônahpa hneirônazie cha Zenitaizy hry liata pahnosa awpa ta, Khazohpa ta mopathaihpazy a tlyh ta, cha bienyupa cha nâmo liata a ypa Krista cha châ ta, rônahna hnabeiseihpa cha a châ.