LUKA 17:1 - Mara Bible RV (BSI)

¹ Zisu ta a pachupazy hnohta, “Molei reipasaona cha a y awpa a châ. Châhrasala reipasaotuhpa cha a hu a po na!

LUKA 17:1 ပူးပေါင်းရင်းမြစ်များ

MATHAI 16:23

Zisu cha Pity lâ a heih ta, a hnohta, “Sâtâ, ei hnôh lâ y teh! Ei châta ahluana na châ he. Khazohpa hmozy pachâ leipa chi ta, chyhsapa hmozy tlao na pachâ via he,” tah ta.

MATHAI 18:7

“Molei reipasaonazy vâta khizaw he a hu a po kaw dia! Reipasaona cha a y awpa tlai châ ta, châhrasala reipasaona a paysatuhpa cha a hu a po na!

LUKA 16:31

Abarahâ ta a hnohta, ‘Mawsi nata hrohsopazy bie ama nathlie vei khiahta cha, athihpa hry tawhta a thyupa y hra sala, a bie zo hlei aw veih ei,’” tah ta.

RAWMA 14:13

Chavâta a sei raihrie khao leipa ta, unawhpa lâpi liata achapiana lô tlyma, pakhâna tlyma, sokhâh lei awpa a chhuah ei suh u.

RAWMA 16:17

Unawh saih u, biezyhpa eima cha pachupa chakhiapa ta, achhaihna taopa ta, paona châ sokhâhtuhpazy tawhta a vaih awpa ta ei châ haw ei. Âmo cha a kâsai teh u.

1 KAWRINI 10:32

Zuzy chhao, Krikâhzy chhao, Khazohpa Awnanopa chhao, amâ hlua nawpa hmo khâpa hmah tao khuh vy.

1 KAWRINI 11:19

Nama hry liata a hmeiseihpazy amâ lâ thei nawpa ta, py achhaihna chhao cha a y awpa rai a châ.

1 KAWRINI 8:13

Chavâta niepa vâta ei unawhpa ei pahluasa khiahta cha, ei unawhpa ei pahluasa pathlei lei nawpa ta, atheihna sa cha nie khao aw va na.

1 TIMAWTHY 4:1

Hmialâ daihti vaw tlô awpa liata cha, chyhsa thokhazy ta dôveina thlahpa nata ahripazy pachuna bie zopa ta, ngiapâna ama bâhsai aw tahpa Thlahpa ta a siapa ta a reih.

BIEPHUAH 2:14

Châhrasala pasina chyhta ei cha hnei. Nama hry liata chyhsa thokha Bâlâma pachuna khâchâ a patupazy y ei ta. Bâlâma cha Izarei sawzy hmiakô liata achapiana lô so awpa ta Bâlâka a pachutuhpa châ ta, Izarei sawzy cha nothlahpa lâta hlâpa niedozy paniesa ta, apatlana moleina pataosa a chhuahpa kha a châ.

BIEPHUAH 2:20

Châhrasala pasina ei cha hnei, Zezebel ama tahpa, anosasyh ta hrohsonô ta â reihpa chanô na chhyh thaipa vâta. Ano cha sihryh awpa nata nothlahpa atheihna pati nie awpa ta nâ chakaotuhpazy pachu ta, a no leipa lâta a paviasa tyhpa a châ.