LUKA 16:8 - Mara Bible RV (BSI)

⁸ A zibeipa ta sôh mohôhtuhpa adoleipa cha ryhraona a pahno thaipa liata tlao reithai ha ta. Khizaw sawzy he âmo chhâ hmo kyh liata la, khaihpa sawzy hlâta ama vaw so via.

LUKA 16:8 ပူးပေါင်းရင်းမြစ်များ

ÂTHAONA 3:1

Zehôvâh Khazohpa ta râhsa a taopa zydua hry liata parih cha so piehpie chai ta. Parih ta chanô hnohta, “Khazohpa ta ‘Sadô liata tho thei kheihawhpa hmahta nama nie awpa châ vei’ a cha tah tlai ei ma?” tah ta.

2 SAMUELA 13:3

Amanaw heta viasa pakha, a moh Zônadâ ama tahpa hnei ta, ano he Dâvi unawhpa Simei sawchapawpa a châ. Zônadâ he chyhsa so piehpie ngaitapa châ ta.

2 ABEIZY 10:19

Chavâta tahmâ Bâlâ hrohsopa, Bâlâ achhytuhpa zydua nata Bâlâ theihthaipa zydua keima lâ awpakhy teh u. Ahy hmah a ki leipa ta y khah ei sy. Atheihna rônah ngaitapa Bâlâ lâ hlâ awpa ei hnei. Ahy rai a ki leipa maih cha hroh aw vei,” tah ta. Cha hmo cha Zehu ta Bâlâ achhytuhpazy a thie thei nawpa ta dôveipa ta a taopa a châ.

HLAZY 17:14

Hy Abeipa, cha hawhpa chyhsazy tawhta na ku ta na pachha la, Hro chhôh ta tovyuh a hneipa khizaw chyhsazy tawhta na pachha mah y. Ama chhi cha ryusôhpazy ta pabie chi ta, Palôhtlâhna taihta sawzy hnei ei ta, Ama hneinazy cha sawzy châta ama siesai tyh.

PUASAINA 1:10

A vy teh u, so kawpa ta ama chô liata hmo tao ei suh u. Chataleipatala vaw pôh via lymâ aw ei ta, adyuhna vaw y mawh sala, eima chariahpazy a baipa ta, miah a dyuh aw ei ta, Izi râh tawhta ama pua pathlei aw na,” tah ta.

BIESOZY 12:8

Pahnona phapa a hneipa chyhsa cha reithaina hlao ta, Palôh chhiepa chyhsa deikua cha mohnaona a hlao tyh.

MATHAI 12:32

Chyhsa Sawchapawpa a reipachhiepa cha a ngiahthaipa châ aw ta, Thlahpa Pathaihpa a reipachhiepa deikua cha, he chhâ nata chhâ vaw y awpa liata chhao, a ngiahthaipa châ aw vei.

MATHAI 17:26

Pity ta, “Ahropazy tawhta,” tah ta. Zisu ta a hnohta, “Cha khiahta la, sawzy cha amâ ei ha chuh.

LUKA 16:10

“A chyhta chô liata ngâchhihpa cha, a hluhpi chô liata chhao ngâ â chhih tyh. A chyhta chô liata ngâchhih leipa cha, a hluhpi chô liata ngâchhih hra aw vei.

LUKA 16:4

Sôh mohôhna tawhta pabâhpa ei châ tita, chyhsazy ta ama o liata eina paysa thei nawpa ei ta a taozie awpa ei pahno haw,’ tah ta.

LUKA 16:7

Ahropa hnohta, ‘Nâma zaw khazie nâ bâh?’ tah ta. Ano ta, ‘Sâh saikhua za kha,’ tah ta. Ano ta a hnohta, ‘Na châbu la la, sycharie roh teh,’ tah ta.

LUKA 18:6

Abeipa ta, “Ryureituhpa sia leipa bie reipa kha thei teh u.

LUKA 20:34

Zisu ta ama hnohta, “He chhâ sawzy heta lapinô nata vahpa zy ama hnei tyh.

LUKA 20:35

Chhâ vaw y awpa a to tlâh awpa ta pachâpazy nata athihpa hry tawhta thyuheihna liata a hlao tlâh awpa ta raopazy deikua la, lapinô pakia khao leipa aw ei ta, vahpa hnei khao aw veih ei.

ZAWHÂNA 12:36

Khaihpa nama hnei chhôh heta, khaihpa he a ngiapâ teh u, chatanachata khaihpa sawzy nama châ aw,” tah ta. Cha biezy cha a rei khai nahta, Zisu cha sie ta, âmo tawhta a nyu ha ta.

1 KAWRINI 3:18

Ahy hmahta anosasyh ta a dôvei khah sy. Nama hry liata ahy rai, he chhâ liata a so kawpa hawhta â pachâ khiahta cha, a vaw so thei nawpa ta ahrupa lâta a lie mawh sy.

EPHESI 5:8

Hlâno cha zohpa châ ei chi ta, tahmâ deikua, Abeipa liata khaihpa nama vaw châ haw. Khaihpa sawzy hawhta hroh teh u.

PHILIPI 3:19

Cha sahlao chhâna cha leidiana châ ta, ama khazoh cha ama py châ ta, ama rônahna cha ama maophyuhna a châ. Khizaw hmozy liata palôh a sohpa ama châ.

1 THYSALAWNIKA 5:5

Nama zydua ta khaihna sawzy nata noh sawzy nama châ. Zâ chyhsa châ leipa pi ta, zohna liata a ypa châ hra ma pi.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.