LUKA 16:24 - Mara Bible RV (BSI)

²⁴ Hneirôhpa cha awh ta, ‘Ei paw Abarahâ y, na ngiachhie la, Lâzarâh kha a kudy pawhmao ti liata ny sala, ei paleih chakuasa awpa ta na vaw tuapa mah y. Meipaleih liana heta ei pasa ngaita,’ tah ta.

LUKA 16:24 ပူးပေါင်းရင်းမြစ်များ

ZAWBÂ 20:21

A nie khai tawhta laibâhpa rai y khao tyh leipa ta, Chavâta a hneinazy a daih parei aw vei.

ISAI 27:11

A chiahzy cha ama uah tita tlie ei ta, Chanôzy a vy ei ta tho châta ama pakhy tyh. Pahnona a hnei leipa phopi châ ei ta, Chavâta âmo a taotuhpa ta zawh a ngiah leipa aw ei ta, Âmo a paduatuhpa ta khohkhei aw veih ei.

ISAI 66:24

“Pua aw ei ta, nâ dyuhtuhpazy ri ama moh tyh aw. Ama lôpazy thi leipa aw ta, ama mei pachhaipa châ hra leipa aw ta, chyhsa zydua châta hmo pasichhih ngaitapa ama châ aw,” Abeipa ta a tah.

ZEKARIA 14:12

Zerusale a dyuhtuhpa phopizy cha, Abeipa ta he potlana heta a hrie aw ei: Ama phei ta amâ dua thlah ha nota ama sapa zao aw ta, ama mokhaoh chhôh liata ama mo zao aw ta, ama pakah chhôh liata ama paleih a zao aw.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

MATHAI 3:9

‘Abarahâ pathla eima châ,’ a tah khuh vy. Khazohpa ta he alôzy tawhna heta Abarahâ pathlazy a padua thei tahpa ei cha chho ei.

MATHAI 5:22

Kei deikua ta cha ei cha chho ei. Ahy rai a unawhpa chô liata a hie a hâhpa cha, a thâtih pachia tlâh a châ. A unawhpa ‘Dyutlaileipa’ a tahpa cha ryureina liata tlôkhei tlâh châ ta, ‘Ahrupa’ a tahpa chhao, hriena su mei lâ sie tlâh a châ.

LUKA 16:30

Hneirôhpa ta, ‘Châ vei, ei paw Abarahâ y, athihpa hry tawhtapa tlai ta âmo lâ a vaw khiahta cha, ama ro aw,’ tah ta.

LUKA 19:9

Zisu ta a hnohta, “Tanoh he, he o liata pachhana a vaw tlô haw. Ano chhao he Abarahâ sawchapawpa châ hra tlôh ta.

LUKA 3:8

Rona moh phaoh tlâhpa ta pathei teh u. ‘Abarahâ pathla eima châ,’ a tah khuh vy. Khazohpa ta he alôzy tawhna heta Abarahâ pathlazy a padua thei tahpa ei cha chho ei.

ZAWHÂNA 4:10

Zisu ta a chhy ta, “Khazohpa hmopiepa nata, ‘Ti do awpa na pie teh,’ châ tahtuhpa he pahno ha la cha, nâma ta a hnohta tlao hiah aw chi ta, ano ta ti hrohpa a cha pie ha awpa tlai,” tah ta.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

ZAWHÂNA 7:37

Kyhchhi chhâna noh, noh rônahpa liata, Zisu cha a duah ta, ao paro ngaitapa ta awh ta, “Ahy rai a dâh a phi khiahta cha, kei lâ a vy sala doh mawh sy.

RAWMA 4:12

Chopawtaipazy chhao chopawtai thlâhthlipazy châ leipa ta, miah pathlatuhpa Abarahâ chopawtaipa a châ hlâta â ngiapâna pheihnie a pazituhpa ama châ thei nawpa ta, ano cha chopawtaipazy paw ta taopa a châ hra.

2 THYSALAWNIKA 1:8

Khazohpa a pahno leipazy nata eima Beipa Zisu Krista thâtihpha a zyh leipazy chô liata deikua phuh a la aw.

ZÂMIE 2:13

Zawngiahna a hnei leipa chyhsa cha, pachiana ta ano cha zawh a ngiah hra aw vei. Zawngiahna cha pachiana hlâta a rônah via.

ZÂMIE 3:6

Paleih he mei châ ta, moleina khizaw a châ. Eima pôhpa pachiahpazy hry liata mei tlu ta chichhihpa châ ta, moleina tao awpa ta thatlô ngaitapa a châ. Paleih chata pôhpa zydua papuapalei ta, hro chhôh khihsatôhtuna zydua mei ta pakâ ta, hriena su mei tipo lâ a chhituhpa a châ.

BIEPHUAH 19:20

Sahrâhpa cha patupa châ ta. Sahrâhpa ngiana a hneipa nata sahrâhpa nothlahpa a chhytuhpazy dôveina hmonoâhpa a mohmô liata a tao tyhpa hrohso pakheipa chhao, a hnohta patu pâpa châ ta, kaih ta a kâ ngâpa mei tipo liata ama pano ta ahrohpa ta thypa ama châ.

BIEPHUAH 20:15

Ahy rai hrona châbu liata a moh ropa hmô awpa a y leipa cha, mei tipo liata thypa a châ.

BIEPHUAH 22:1

Chatawhcha vâlyuhchâpa ta hrona ti chavah, lôsôhpa pasohpa hawhta a patliepa, Khazohpa nata Mietakutaw beidyuchhai tawhta a vaw lohpa na pahmô ta.

1 SAMUELA 28:16

Samuela ta, “Cha hawhta Abeipa ta châ heihsai ha ta, na chariahpa lâta tlao â lie hapa na pahno thlâh tlôh khiahta cha, khazia eina hiahri chi?