LUKA 16:22 - Mara Bible RV (BSI)

²² Sipasapa cha thi ta, vâlyuhchâpazy ta a chhi ei ta, Abarahâ kalachhôh tlôkhei ei ta. Chyhsa hneirôhpa chhao cha thi ta, pabupa châ ta.

LUKA 16:22 ပူးပေါင်းရင်းမြစ်များ

ZAWBÂ 21:13

Ama nohzy a phapa ta hmâh ei ta, Thlalôhpa ta Athihkhih lâ ama sie.

BIESOZY 14:32

Moleipa cha a hmo chhie taopa vâta pao ta, Mosiapa deikua cha thina liata hnabeiseihna a hnei.

BIECHHOTUHPA 8:10

Chatawhcha a pha kawpa ta moleipa ama pabupa hmô na ta. He moleipazy he moleina hmo taona chôta su pathaihpa liata a ngia heih pua heih a tahpa nata khihpi liata reithai a hlaopazy ama châ. Cha chhao cha hraoleipa deita a châ.

ISAI 14:18

Râh to beizy cha rônahpa ta a zia ei ta, Âmo thlâ chyu liata amâ zia.

ISAI 22:16

Nâ, su sâhpa liata thlâ khaoh khiepa ta, lôpanô liata na châta yna khaoh a reipa chi cha, khâpa vâta ma he liata na châta thlâ khaoh na khie tly? He liata tao awpa khâpa ma na hnei tly? He liata na chyhsa ahy ma a y tly?

MATHAI 18:10

“He hawtitazy hry liata pakha chhao mopakhô lei awpa ta a sohsi teh u. Vârâh liata ama vâlyuhchâpazy ta ei Paw vârâh liata a ypa hmia khâ ama sai tyh tahpa ei cha chho ei.

MATHAI 24:31

Chiahmie paro ngaitapa chhaota a vâlyuhchâpazy tuah aw ta, âmo chata â tlyhpazy cha kaokih miapalih tawhta pakhy aw ei ta, avâ chy chhâna tawhta hiakha lâ chhâna taihta ama pakhy aw.

MATHAI 8:11

Ei cha chho ei, nochhi notla tawhta chyhsa hluhpi a vy aw ei ta, Abarahâ, Aisika nata Zakaw zy hnohta vârâh khinarâh liata amâ tyuh aw.

MÂKA 8:36

Chyhsa ta khizaw he a pôhpalôhpa ta hnei sala, a thlahpa a pahlei tlôh khiahta cha, a châta khâpa a phahnai aw?

LUKA 12:20

Châhrasala Khazohpa ta a hnohta, ‘Ahrupa! Tazâ he na thlahpa lapa châ aw ta, na hmo hneipazy kha ahyzy ma a to aw ei?’ tah ta.

LUKA 16:21

Chyhsa hneirôhpa tlâhkhai tawhta a tlaopazy nie awpa a khohpa vâta, cha liata â zia tyhpa a châ. Izy a vy ei ta, a hmahzy ama paliepa tyh.

ZAWHÂNA 1:18

Ahy hmahta Khazohpa hmô beih veih ei. Sawchapaw matlupa, Paw kalachhôh liata a ypa ta ano cha a palâhâh.

ZAWHÂNA 13:23

Pachupazy hry liata pakha, Zisu ta kyh a pachâpa cha, Zisu kiapâh liata tlâhkhai dôhpa ta a tyuh ta.

ZAWHÂNA 21:20

Pity cha a heih ta, Zisu kyhpachâpa pachupa, zâ pati nie nota a chachôhna a hniehpa ta ano lâ a heih ta, “Abeipa, châ patusa awpa cha ahy ma a châ?” a tahtuhpa khata a vaw zipa hmô ta.

HEBRAI 1:14

Vâlyuhchâpa zydua cha pachhana ryu a to awpazy chakao awpa ta tuapa chakaona thlahpazy ama châ.

HEBRAI 2:14

Sawzy cha sapa nata thisaih azaona a hneipa ama châpa hawhta, ano chhao sapa nata thisaih hnei hra ta, a thina ta thina hmotaotheina a hneipa ahripa cha a pahleipadia haw.

ZÂMIE 1:11

Noh vaw chhi ta, thata palo ta, sibiepa cha uah ta, a paw zô ta, â ngiana a lei tyh. Cha hawhna chata chyhsa hneirôhpa chhao, hneirôna a tluana lâpi liata a uah aw.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.

BIEPHUAH 14:13

Chatawhcha avâ tawhta ao ta, “Hetana heta roh teh: Tahmâ tawhta la, Abeipa liata athipazy ama nohlao aw,” a tahpa thei na ta. Thlahpa ta, “A châ na, ama hriapasanazy a pahâsai aw ei ta, ama hmotaopazy ta a zi aw ei!” tah ta.