LUKA 16:2 - Mara Bible RV (BSI)

² Sôh mohôhtuhpa cha aw ta, a hnohta, ‘Na thâtih ei theipa he khâpa ma a yzie? Sôh na mohôhna rona châbu vaw pangia teh. Sôh mohôhtuhpa châ thei khao aw va chi,’ tah ta.

LUKA 16:2 ပူးပေါင်းရင်းမြစ်များ

BIECHHOTUHPA 12:14

Khazohpa ta hmo taopa zydua, a phapa chhao, a chhiepa chhao, pachia khai aw ta, arulâta taopa zydua chhao a pachia khai aw.

MATHAI 12:36

Ei cha chho ei, chyhsazy ta bie pha leipa ama reipa maih cha, ryureina noh liata amâ reipasia awpa a châ.

MATHAI 20:8

A vaw zâlâ nahta, kre sadô hneituhpa ta raihria mohôhtuhpa hnohta, ‘Hriatuhpazy aw la, ama hria hlao pie teh, a hnôh chaipa tawhta a thaopa ta a hmiatua chaipa taihta na pie aw ei,’ tah ta.

LUKA 12:20

Châhrasala Khazohpa ta a hnohta, ‘Ahrupa! Tazâ he na thlahpa lapa châ aw ta, na hmo hneipazy kha ahyzy ma a to aw ei?’ tah ta.

LUKA 12:42

Abeipa ta, “A daihtita ta chhôhkha nie awpa pachhuahpanoh lymâ awpa ta, a zibeipa ta a o liata hyutuhpa châta a raopa, sôh mokhâhtuhpa ngâchhihpa nata sopa cha ahy ma a châ?

LUKA 16:1

Zisu ta a pachupazy hnohta, he bie chhao he reih ta, “Chyhsa hneirôhpa pakha ta sôh mohôhtuhpa hnei ta, cha chyhsa chata a sôh a pahryuh thlâhthlipa kyh chyhsazy ta ano lâ vaw leih ei ta.

LUKA 16:3

Sôh mohôhtuhpa cha a palôh liata, ‘Ei zibeipa ta sôh mohôhna rai ei hriapa na pabâ â chhuah haw. Kheihta ma ei tao aw? Lei palie thei tlôh na va, kudao awpa hra ei noza tlôh.

RAWMA 14:12

Eima zydua ta Khazohpa hmiakô liata keimo thâtih eima reih chyu aw.

1 KAWRINI 1:11

Unawh saih u, nama hry liata aeichhiana a ypa kyh Klôi chhôhkhazy ta na chho ei ta.

1 KAWRINI 4:2

Cha dei châ vei, mokhâhtuhpa cha chyhsa ngâchhihpa a châ awpa a byuh.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

2 KAWRINI 5:10

Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.

1 TIMAWTHY 4:14

Hmopiepa na hneipa kha uasa leipa ta y khah y. Kha hmopiepa kha, hrohsona bie hawhta, machâzy ta na chô liata ama ku ama pahnieh nota piepa na châ.

1 TIMAWTHY 5:24

Chyhsa thokha moleina cha a lâluah ta, ama hmia lâta pachiana lâ sie ta, thokha moleina deikua cha, hnôh lâta â vaw luah tyh.

1 PITY 4:10

Chyhsa to hmopiepa to chyu ei chi ta, Khazohpa ngiachhiena nanopa nama topazy a châpa pahnopa ta, hmopiepa nama topazy cha a chakao raihrie nawpa châta hmâh teh u.

1 PITY 4:5

Ahrohpa nata athihpa pachia awpa ta a mâ chiehpa ta a y thlâh hapa hnohta ama thâtih âmo tlai ta amâ reih aw.

BIEPHUAH 20:12

Beidyuchhai hmiakô liata molaipa nata mochyhpa athipazy a duahpa hmô na ta, châbuzy pahypa a châ. Châbu hropa, hrona châbu chhao pahypa châ ta. Athihpazy cha châbuzy liata ropa hawhta, ama hmotaozie lymâ hawhta pachiapa ama châ.