LUKA 16:19 - Mara Bible RV (BSI)

¹⁹ “Chyhsa hneirôhpa pakha y ta. Chysia saihlawpa nata rih dipa ta a tobipa ta, noh chareih phasa ngaitapa ta y tyh ta.

LUKA 16:19 ပူးပေါင်းရင်းမြစ်များ

ESTHERI 8:15

Môdekai cha abei poh nohsaihpa nata diehpa a bupa ta, ngôh beilakho rônahpa nata poh rih dipa viahkao pasipa saihdôhpa a kypa ta, abei o tawhta pua ta. Susâ khihpi cha thata awh ei ta, a ly ngaita ei ta.

BIESOZY 14:24

Asopazy lakho cha hneirôna châ ta, Ahrupazy hruna deikua cha hruna dei a tlôkhei tyh.

BIESOZY 31:22

Ano châta chhao rakhô pohzy tao ta, A chysia cha pala rih dipa nata sainohpa a châ.

ISAI 3:23

thlalâzy, poh rih dipazy, khuthozy nata hmiakhunazy a pahluhpa khai aw ei.

EZEKIA 16:13

Cha hawhna chata ngôh nata tâkâ ta tobipa châ chi ta, na chysiazy cha pala rih dipa nata pu pala zy ta sapa châ ei ta, â chapaipa ama châ. Na pati cha viahdie dipa nata kheihti nata sathaw a châ. Chhithai ngaitapa vaw châ chi ta, abeinô châ awpa taihta a tlohpa na châ.

EZEKIA 16:49

“Pachâ teh, na narônô Sawdawmâ paraona cha he he a châ: Ano nata a sawchanôzy amâ palai ngaita. A laikhôna taihta niedo hnei ei ta, phasapa ta ama y. Châhrasala dyhchhiepa nata phahlapazy bao veih ei.

EZEKIA 27:7

Na balyh pohraipa cha, Izi pala rih dipa ta a chei zeipa châ ta, Cha cha nâma ngiana pohraipa châta hmâpa a châ. Nohdi châta na chô khuna poh chhao, Elisâ liahpahlôzy tawhta poh nohpa nata nohsaihpazy a châ.

MÂKA 15:17

Viahkao pasipa nohsaihpa paky ei ta, hloh lakho phiehpa a luh liata pakho ei ta.

MÂKA 15:20

Ama pasipasawh khai nahta, poh nohsaihpa cha hlaipa ei ta, ano viahkao pasipa pakysa heih ei ta, khaipâ awpa ta a chhi ha ei ta.

LUKA 15:13

Bohpi leipa liata, a sawchapaw seihnaipa cha a tovyuh zydua pakhy ta, râh hlapi lâ sie ta. Cha liata phasa ngaitapa ta y ta, a sôh cha pahryuh thlâhthli ta.

LUKA 16:1

Zisu ta a pachupazy hnohta, he bie chhao he reih ta, “Chyhsa hneirôhpa pakha ta sôh mohôhtuhpa hnei ta, cha chyhsa chata a sôh a pahryuh thlâhthlipa kyh chyhsazy ta ano lâ vaw leih ei ta.

LUKA 16:18

“Ahy rai a lapinô ma ta, lapinô hropa a hneipa cha â pheipa a châ. A vahpa nata a chhaihpa chanô a hneipa chhao â pheipa a châ hra.

LUKA 16:20

A kaohrai thaby liata sipasapa pakha, a moh Lâzarâh ama tahpa, a pôhpa duata hmah ta a biepa a zia tyh ta.

BIEPHUAH 17:4

Chanô cha poh nohsaihpa nata saihlawpa a bu ta, ngôh nata lôsôhpa nata taikulô ta a tobi ta, a ku liata hmo pasichhihpa nata sihryhna moleina ta a biepa ngôh nyu a chaba ta.

BIEPHUAH 18:16

“Cha rimâ cha! Cha rimâ cha! Khihpi rônahpa, Poh rihdipa a bu ta, Poh nohsaipapa nata poh saihlawpa a bupa ta, Ngôh nata lôsôhpa ta a tobi ta, Taikulô ta a tobipa khihpi!

BIEPHUAH 18:7

Anosasyh ta a parônahsa ta, Phasapa ta a y tyhpa kha, Â phuhpa ta pasa pataosa u la, Mâchhie pasasa teh u; A palôh ta, ‘Beinô ta ei tyuh, Nôhmei châ va na, Mâchhiesa beih aw va na,’ Tahpa ta reih tlôh ta.

RYUREITUHPAZY 8:26

Kidia hnohta ngôh rahy ama piepa zydua cha sekel 1,700 a châ. Chazy hleikhô ta, raopakyzy, rahy bangiehpazy, Midia beizy a kypa chysia saihlawpazy nata ama râraoseihpa raopakyzy chhao â hlao.