LUKA 16:16 - Mara Bible RV (BSI)

¹⁶ “Ryhpa nata hrohsopazy bie cha Zawhâna daihti taihta y ta. Cha rakha tawhta cha Khazohpa khinarâh thâtihpha chhopa châ ta, chyhsa to ta a ngia a chhuahpa ta ama chatôh lymâ.

LUKA 16:16 ပူးပေါင်းရင်းမြစ်များ

MATHAI 10:7

Nama siena liata, ‘Vârâh khinarâh cha â hnia haw,’ tahpa ta chho lymâ teh u.

MATHAI 15:11

Pakah liata a ngiapa ta chyhsa papuapalei leipa ta, pakah tawhta a puapa ta chyhsa a papuapalei tyh,” tah ta.

MATHAI 21:32

Zawhâna kha siana lâpi a chhihpa ta nâmo lâ a vy ta, châhrasala zo veih ei chi. Chhiekheituhpazy nata âzuahnôzy deikua ta la ama zo. Nâmo la siana lâpi nama hmôpa chhao ta, ro khoh leipa ei chi ta, zo khoh veih ei chi.

MATHAI 3:2

“Ro teh u, vârâh khinarâh cha â hnia haw,” tahpa ta bie chho ta.

MATHAI 4:17

Cha daihti tawhta Zisu ta, “Ro teh u, vârâh khinarâh cha â hnia haw,” tahpa ta pachu pathao ta.

MATHAI 4:23

Kâlili râh zydua chahryh ta, amâ pakhyna ozy liata pachupa ta, khinarâh thâtihpha chho lymâ ta, zawpi hry liata hri to nata pasana to a hneipazy patlâh ta.

MÂKA 1:14

Zawhâna ama patu tawhta, Zisu cha Kâlili lâ a vy ta. Khazohpa Thâtihpha chho ta,

MÂKA 1:45

Châhrasala cha chyhsa cha pua ta, a pathaih hana kyh cha reih lymâpa ta, thâtih tlao pathâhsa lymâ ta. Chavâta Zisu cha â lâhâhpa ta khihpi liata a ngia thei khao leipa ta, su dâhthlohpazy liata tlao y ta, su to tawhta ano cha ama pangai lymâ.

LUKA 10:11

‘Nama khih buchadoh eima phei liata â baipazy taihta eima cha chatho thlu hih. Châhrasala Khazohpa khinarâh cha â hnia haw tahpa pahno muh vy,’ nama tah aw.

LUKA 10:9

Cha liata tlâhleipazy patlâh u la, ama hnohta, ‘Khazohpa khinarâh ta a châ hnia ei,’ tah muh vy.

LUKA 16:29

Abarahâ ta, ‘Mawsi nata hrohsopazy ama hnei mâh tâh. Âmo bie nathlie mawh ei sy,’ tah ta.

LUKA 16:31

Abarahâ ta a hnohta, ‘Mawsi nata hrohsopazy bie ama nathlie vei khiahta cha, athihpa hry tawhta a thyupa y hra sala, a bie zo hlei aw veih ei,’” tah ta.

LUKA 9:2

Khazohpa khinarâh bie chho awpa nata tlâhleipazy patlâh awpa ta âmo cha tuah ta.

ZAWHÂNA 1:45

Phili ta Nâthaniah a hmô nahta, a hnohta, “Ryhpa châbu liata Mawsi ta a thâtih a ropa nata hrohsopazy ta ama ropa kha eima hmô haw. Ano cha Zawsi sawchapawpa Nâzari Zisu a châ,” tah ta.

ZAWHÂNA 11:48

He hawhta eima pathlie thlâh ha khiahta cha, chyhsa zydua ta ano a ngiapâ aw ei ta, Rawma mo a vy aw ei ta, eima su hneipa nata eima phopi he ama vaw parao aw,” tah ei ta.

ZAWHÂNA 12:19

Phârisaihzy cha a chhohia ei ta, “Pahno teh u, khâpa hmah tao thei veih ei chi. Moh teh u, khizaw ta ano ama zi ha hih,” tah ei ta.

ZAWHÂNA 5:4

Daihti raopa liata, Abeipa vâlyuhchâpa cha tipo lâ a zupa ta, ti cha chatlaosa tyh ta. Ti â chatlao khai tawhta tipo liata â ny tuachaipa cha, kheihawhpa pasana rai patlâhpa a châ tyh.

HMOTAOPAZY 3:18

Khazohpa ta hrohsopa zydua pakah ta a Mesia cha riethei a tao awpa a châna kyh a vaw reih chhieliepa kha, a vaw patlôsapa a châ.