LUKA 16:1 - Mara Bible RV (BSI)

¹ Zisu ta a pachupazy hnohta, he bie chhao he reih ta, “Chyhsa hneirôhpa pakha ta sôh mohôhtuhpa hnei ta, cha chyhsa chata a sôh a pahryuh thlâhthlipa kyh chyhsazy ta ano lâ vaw leih ei ta.

LUKA 16:1 ပူးပေါင်းရင်းမြစ်များ

ÂTHAONA 15:2

Châhrasala Abarâ ta, “Hy Abeipa Zehôvâh, khâpa eina pie aw chi, saw leipa châ na ta, ei ryu a to awpa cha Dâmaskâ khihpa Elieze a châ?” tah ta.

ÂTHAONA 43:19

Zawsi o avaotuhpa kiapâh lâ vawh ei ta, chhikao thaby liata bie a chho ei ta,

1 THÂTIHZYRONA 28:1

Dâvi ta Izarei hyutuhpa zydua, chi hyutuhpazy, bei chakaotuhpa py hyutuhpazy, pheisaih sâh kha hyutuhpazy, pheisaih za kha hyutuhpazy, bei nata a sawchapawzy hmohneipa nata sahroh mohôhtuhpa zydua, pasaiphazy nata a dyuh thaipa pheisaih zydua Zerusale liata awpakhy ta.

BIESOZY 18:9

A raihria liata chyhsa thathipa cha, Paraotuhpa unawhpa a châ.

HÔSIA 2:8

Sâh nata kresawhti ta vaohei na ta, Sathaw ta a vaoheituhpa kha, Keima tlai he ei châpa pahno vei. Bâlâ châta ama hmâpa tâkâ nata ngôh ta A tobituhpa chhao kha, Keima tlai he ei châpa pahno vei.

MATHAI 20:8

A vaw zâlâ nahta, kre sadô hneituhpa ta raihria mohôhtuhpa hnohta, ‘Hriatuhpazy aw la, ama hria hlao pie teh, a hnôh chaipa tawhta a thaopa ta a hmiatua chaipa taihta na pie aw ei,’ tah ta.

LUKA 12:42

Abeipa ta, “A daihtita ta chhôhkha nie awpa pachhuahpanoh lymâ awpa ta, a zibeipa ta a o liata hyutuhpa châta a raopa, sôh mokhâhtuhpa ngâchhihpa nata sopa cha ahy ma a châ?

LUKA 15:13

Bohpi leipa liata, a sawchapaw seihnaipa cha a tovyuh zydua pakhy ta, râh hlapi lâ sie ta. Cha liata phasa ngaitapa ta y ta, a sôh cha pahryuh thlâhthli ta.

LUKA 15:30

Châhrasala he na sawchapawpa, âzuahnôzy liata na sôh a hmâh khai hapa hmâchhâh he a vaw tlôpa nahta, viahchao taw thawhpa zua na thiepa bao!’ tah ta.

LUKA 16:19

“Chyhsa hneirôhpa pakha y ta. Chysia saihlawpa nata rih dipa ta a tobipa ta, noh chareih phasa ngaitapa ta y tyh ta.

LUKA 16:2

Sôh mohôhtuhpa cha aw ta, a hnohta, ‘Na thâtih ei theipa he khâpa ma a yzie? Sôh na mohôhna rona châbu vaw pangia teh. Sôh mohôhtuhpa châ thei khao aw va chi,’ tah ta.

LUKA 19:20

Ahropa a vy ta, ‘Ei zibeipa, moh tua, na minâzy kha ahruna poh ta pahly na ta, a phapa ta ei cha pasopa hih.

LUKA 8:3

Herawda sôh mokhâhtuhpa Kuza lapinô Zôanâ, Susanâ nata ahropa hluhpizy ama châ. Âmozy chata ama hneina tawhta Zisu cha ama deichhy lymâ.

TITU 1:7

Awnanopa chhituhpa cha Khazohpa sôh mokhâhtuhpa a châpa vâta, seina hnei leipa a châ awpa a châ. Chyhsa apalaipa, pathichhiepa, kresawhti pari hmâhpa, thachahra a hmâhpa nata avyuhna ta athôhna a tluapa a châ awpa châ vei.

ZÂMIE 4:3

Hiah ei chi ta, nama hiapa su leipa ta, nama aohraohna châta hmâ awpa ta nama hiapa vâta, hmô veih ei chi.

1 PITY 4:10

Chyhsa to hmopiepa to chyu ei chi ta, Khazohpa ngiachhiena nanopa nama topazy a châpa pahnopa ta, hmopiepa nama topazy cha a chakao raihrie nawpa châta hmâh teh u.